అనాధల సేవకులు నరసన్న కు మాచాని పరామర్శ

అనాధల సేవకుడు నరసన్నకు మాచాని సోమనాథ్ ఆర్థిక సహాయం

ఎమ్మిగనూరు, సూర్య ప్రతినిధి

పూలే అంబేద్కర్ ఎడ్యుకేషనల్ సొసైటీ, అనాథాశ్రమం ద్వారా అనాథలు, వృద్ధులు, నిరాశ్రయులకు ఆశ్రయం కల్పిస్తూ, వారి ఆకలి తీర్చడంతో పాటు అనాథ పిల్లలకు విద్య అందిస్తూ సేవా కార్యక్రమాలు నిర్వహిస్తున్న సింగనేటి నరసన్నను రాష్ట్ర టీడీపీ బీసీ సెల్ ప్రధాన కార్యదర్శి, డాక్టర్ మాచాని సోమనాథ్ గురువారం పరామర్శించారు.
ఇటీవల బైక్ ప్రమాదంలో గాయపడి చేతికి శస్త్రచికిత్స చేయించుకుని ఇంట్లో విశ్రాంతి తీసుకుంటున్న నరసన్నను ఆయన ఇంటికి వెళ్లి పరామర్శించారు. నరసన్న ఆరోగ్య పరిస్థితిని కుటుంబ సభ్యులను అడిగి తెలుసుకున్నారు. వైద్యుడిగా తగిన సలహాలు, సూచనలు అందించారు.
నరసన్న త్వరగా కోలుకుని భవిష్యత్తులో మరిన్ని సేవా కార్యక్రమాలు కొనసాగించాలని ఆకాంక్షిస్తూ రూ.15 వేల ఆర్థిక సహాయాన్ని అందించారు. ఈ సందర్భంగా నరసన్న చేస్తున్న సేవలను మాచాని సోమనాథ్ అభినందించారు.