అంగన్వాడి కేంద్రాల్లో మహిళలకు చిన్నారులకు విశేష సేవలు

ఆత్మకూరు, మేజర్ న్యూస్ :   అంగన్వాడి కేంద్రాల్లో గర్భిణీలు, బాలింతలు, మహిళలు, చిన్నారులకు అనేక రకాల సేవలు లభిస్తున్నాయని ఆత్మకూరు ఐసిడిఎస్ సూపర్వైజర్ జి. కస్తూరి పేర్కొన్నారు. మండలంలోని కరటంపాడు లో మెయిన్ అంగన్వాడీ కేంద్రంలో అంగన్వాడీ కార్యకర్త బి.సామ్రాజ్యం ఆధ్వర్యంలో అంగన్వాడీ ఉత్సవం కార్యక్రమం నిర్వహించగా సూపర్వైజర్ కస్తూరి పాల్గొన్నారు. ఈ సందర్భంగా కస్తూరి ఐసిడిఎస్ సేవలను వివరించారు. అంగన్వాడీ కేంద్రంలో గర్భిణీలు మహిళలకు లభించే పౌష్టికాహారం,చిన్నారులకు లభించే పూర్వ ప్రాథమిక విద్య తదితర అంశాల గురించి కస్తూరి వివరించారు. ఈ కార్యక్రమంలో పలుకు గర్భిణీలు, బాలింతలు, మహిళలు, చిన్నారులు తదితరులు పాల్గొన్నారు.