అసంపూర్తిగా నిలిచిన రైతు బజార్ కు గొట్టిపాటి లక్ష్మీ కృషితో మోక్షం

 దర్శి మేజర్ న్యూస్. రాష్ట్రంలో కూటమి ప్రభుత్వం ఏర్పడిన నాటి నుండి రైతుల సంక్షేమానికి అభివృద్ధికి నిరంతరం కృషి చేస్తుంది. రైతును రాజును చేయాలనే చంద్రబాబు లక్ష్యాన్ని నియోజకవర్గ టిడిపి ఇన్చార్జ్ డాక్టర్ గొట్టిపాటి లక్ష్మి అమలపరుస్తున్నారు. దర్శి లో రైతు బజార్ అసంపూర్తిగా నిలచి పోయింది. రైతు బజార్ కు 55 లక్షల రూపాయల నిధులు కేటాయించి పూర్తి చేయాలని అధికారులను డాక్టర్ లక్ష్మీ కోరారు. దర్శి లో గత కొంతకాలంగా ఆగిపోయిన రైతు బజార్ పనులను దర్శి తెలుగుదేశం పార్టీ ఇంచార్జ్ డాక్టర్ గొట్టిపాటి లక్ష్మీ కృషితో త్వరితగతిన పూర్తి చేసి రైతులకు వినియోగదారులకు అందుబాటులోకి తీసుకువచ్చేందుకు శరవేగంతో పనులు చేస్తున్నారు. ఆ పనులను దర్శి ఏఎంసీ చైర్మన్ దారం నాగవేణి సుబ్బారావు పర్యవేక్షణలో నిర్వహిస్తున్నారు. శనివారం రైతు బజారులో జరుగుతున్న అభివృద్ధి పనులను చైర్మన్ దారం నాగవేణి సుబ్బారావు పరిశీలించారు. అసంపూర్తిగా నెలచిపోయిన రైతు బజారుకు గొట్టిపాటి లక్ష్మీ కృషితో మోక్షం లభించిందని రైతులంటున్నారు.