అభివృద్ధి పనులను నిర్ణీత గడువులోగా పూర్తి చేయండి : కలెక్టర్ డా.ఎస్.వెంకటేశ్వర్

రైల్వే ప్రాజెక్ట్, భూసేకరణ, జాతీయ రహదారులు పనులు సంబంధించి పలు భూ సంబంధిత పెండింగ్ నిర్మాణ పనులను ప్రణాళికభద్దంగా నిర్ణీత గడువులోగా పూర్తి చేయాలని జిల్లా కలెక్టర్ డాఎస్.వెంకటేశ్వర్ పేర్కొన్నారు. మంగళవారం స్థానిక కలెక్టరేట్లోని మిని సమావేశ మందిరంలో జిల్లాలోని వివిధ అభివృద్ధి కార్యక్రమాలకు సంబంధించి భూ సేకరణ పనులపై జాయింట్ కలెక్టర్ ఆర్. గోవిందరావు, డిఆర్ఓ జి.నరసింహులుతో కలసి జిల్లా కలెక్టర్ వీడియో కాన్ఫరెన్స్ ద్వారా సమీక్ష నిర్వహించారు. ఈ సమీక్షా సమావేశానికి టూరిజం ఆర్ డి రమణ ప్రసాద్, డిస్ట్రిక్ట్ టూరిజం ఆఫీసర్ జనార్థన్ రెడ్డి, స్పెషల్ డిప్యూటీ కలెక్టర్ భారత్ నాయక్, డిప్యూటీ కలెక్టర్ విజయలక్ష్మీ, తహశీల్దార్లు, శ్రీసిటీ గోవర్ధన్ పాల్గొన్నారు. ఈ సందర్భంగా కలెక్టర్ మాట్లాడుతూ రేణిగుంట-గూడూరు వైజాగ్ చెన్నై కారిడార్ పైప్ లైన్ పనులు, రైల్వే ప్రాజెక్ట్ పనులు, తిరుపతి - కాట్పాడి రైల్వే లైన్ డబ్లింగ్ పనులు జాతీయ రహదారులు, ఏపిఐఐసి సూళ్ళూరుపేట, సత్యవేడు, ఫేజ్ -2 నాయుడుపేట, అపోలో టైర్ లు, దుగ్గరాజు పట్నం పోర్ట్ పనులు, కాళహస్తి గుంట టిటిడి పనులు, శ్రీకాళహస్తికి సంబంధించి జాతీయ రహదారి పనులు, వరదయ్యపాలెం రోడ్డు పనులు పై చర్చించి భూ సేకరణ వేగవంతం చేసి పనులను పూర్తి చేయాలని ఆదేశించారు. భూ సేకరణ అనంతరం భూ పరిహారాలను త్వరితగతిన పంపిణీ చేయడానికి చర్యలు తీసుకోవాలన్నారు. పెండింగ్ భూ సమస్యల పరిష్కారానికి సత్వర చర్యలు తీసుకోవాలని ఆర్డీఓలను ఆదేశించారు. 

సీఎం గౌడ్ తిరుపతి ప్రతినిధి