నేటి నుంచి సబ్సిడీతో శనగ విత్తనాలు పంపిణీ

*నేటి నుంచి సబ్సిడీతో శనగ విత్తనాలు పంపిణీ.*
*పులివెందుల వ్యవసాయ డివిజన్ సహాయ సంచాలకులు ప్రభాకర్ రెడ్డి.*

పులివెందుల మేజర్ న్యూస్:

పులివెందుల వ్యవసాయ శాఖ సబ్ డివిజన్ లోని ఐదు మండలాలు వేంపల్లి, వేముల ,లింగాల మరియు పులివెందుల మండలాలకు సంబంధించి 2026 రబీ సీజన్ కు వేంపల్లి కు 1000 క్వింటాళ్లు వేముల మండలానికి 1900 క్వింటాళ్లు మరియు లింగాల మండలానికి 1250 క్వింటాళ్లు అదేవిధంగా పులివెందుల మండలానికి 600 క్వింటాలు కేటాయించారు మొత్తంగా పులివెందుల వ్యవసాయ శాఖ డివిజన్ కు 4750 క్వింటాళ్లు 35% సబ్సిడీతో శనగ విత్తనాలు కేటాయించడం జరిగింది. ఒక రైతుకు ఒక ఎకరాకు 40 కేజీలు అనగా రెండు బ్యాగులు ఐదు ఎకరాలు దాటిన రైతులకు 10 బ్యాగులు గరిష్టంగా ఇవ్వడం జరుగుతుంది.
ఒక కిలో గరిష్ట ధర 90 రూపాయలు ఉండగా 35% సబ్సిడీ పోను ఒక కిలో 58.50 రూపాయలు రైతు వాటాగా నిర్ణయించడం జరిగింది. కావున శనగ పంట వేసే రైతులు తప్పనిసరిగా సంబంధిత రైతు సేవా కేంద్రాల సిబ్బందిని సందర్శించి మీకు కావాల్సిన శనగ విత్తనాలను సబ్సిడీలో పొందవలసిందిగా పులివెందుల వ్యవసాయ శాఖ డివిజన్ సహాయ వ్యవసాయ సంచాలకులు ప్రభాకర్ రెడ్డి రైతులను ఉద్దేశించి తెలియజేశారు.