ఆశా వర్కర్లకు ఇచ్చిన హామీలు అమలు చేయాలి

చీపురుపల్లి మేజర్ న్యూస్: 

ఆశా వర్కర్లకు ప్రభుత్వం ఇచ్చిన హామీలను అమలు చేయాలని డిమాండ్ చేస్తూ సీఐటీయూ ఆధ్వర్యంలో మంగళవారం నిరసన వ్యక్తం చేశారు. సిటు రాష్ట్ర కమిటీలో పిలుపుతో భాగంగా స్థానిక ప్రజాప్రతినిధులకు స్కీమ్ వర్కర్ల సమస్యలు పరిష్కారం చెయ్యాలని వినతిపత్రం ఇచ్చారు. అందులో భాగంగానే చీపురుపల్లి నియోజకవర్గంలో ఆశ కార్యకర్తలు ఎమ్మెల్యే కళా వెంకటరావును కలిసి వినతి ఇచ్చేందుకు ఆయన కార్యాలయానికి చేరుకొని  వినతిపత్రం అందజేశారు. ఈ సందర్బంగా సిటు నాయకులు ఏ గౌరి నాయుడు, విహెచ్ వెంకటేష్, ఆశ వర్కర్ల నాయకులు ఎమ్ గౌరి  మాట్లాడుతూ గతంలో ఆశా లు చలో విజయవాడలో కార్యక్రమం అనంతరం ప్రభుత్వo చర్చల్లో భాగంగా ఇచ్చిన హామీలను వెంటనే అమలుచేయాలని కోరారు. కనిసవేతనం రూ.26 వేలు ఇవ్వాలని, పని భారం తగ్గించాలని, టీ ఏ, డి ఏ లాంటి సౌకర్యాలు కల్పించాలని, మరణించిన వారికి రూ.10 లక్షలు భీమా సౌకర్యం కల్పించాలని, ఇతర హామీల అమలుచేయాలని కోరారు. ప్రభుత్వం ఇచ్చిన హామీలు అమలు చేయకపోతే మరల రాష్ట్ర వ్యాప్తంగా ఉద్యమిస్తామని స్పష్టం చేశారు. ఈ కార్యక్రమంలో ఆశ వర్కర్ల యూనియన్ నాయకులు పి అనసూయ, జి గౌరి, కె కల్యాణి, కె లక్ష్మీ,   ఆశ కార్యకర్తలు పాల్గొన్నారు.