ఆర్యవైశ్యుల ఐక్యతకు కృషి చేస్తా, శీమకుర్తి

జంగారెడ్డిగూడెం-మేజర్ న్యూస్ జిల్లా రూరల్ ఆర్యవైశ్య అధ్యక్షుడిగా బాధ్యతలు స్వీకరించిన శీమకుర్తి శ్రీనివాస్‌రావును వాసవి క్లబ్ ఉప్పలమెట్ట కపుల్స్ సభ్యులు మర్యాదపూర్వకంగా కలిసి అభినందించారు. పూర్వ అధ్యక్షుడు ఇమ్మడి బాలభాస్కర్ ఆధ్వర్యంలో జరిగిన కార్యక్రమంలో ఆర్యవైశ్యులు ఎదుర్కొంటున్న సమస్యలపై చర్చించారు.ఆర్యవైశ్యుల సమస్యల పరిష్కారానికి అందుబాటులో ఉంటానని, జిల్లాలో ఆర్యవైశ్యుల ఐక్యతకు కృషి చేస్తానని శ్రీనివాస్‌రావు తెలిపారు. ఉప్పలమెట్ట వాసవి క్లబ్ సేవా కార్యక్రమాలకు తనవంతు సహాయ సహకారాలు అందిస్తానన్నారు.కార్యక్రమంలో రీజనల్ చైర్మన్ ఓలేటి కృష్ణకుమార్, అధ్యక్షులు కొనకళ్ల సత్యనారాయణ, నాగవరపు పుల్లారావు, బుర్లగడ్డ సత్యనారాయణ, బొమ్మ సత్యనారాయణ తదితరులు పాల్గొన్నారు.

 కెవి రమణారావు జంగారెడ్డిగూడెం