ఆగ్నేయ బంగాళాఖాతంలో అల్పపీడనం ఏర్పడే అవకాశం..కోస్తాంధ్రకు వర్ష సూచన

విశాఖపట్నం: దక్షిణ అండమాన్ సముద్రంలో కొనసాగుతున్న ఉపరితల ఆవర్తన ప్రభావంతో ఆగ్నేయ బంగాళాఖాతంలో అల్పపీడనం ఏర్పడే అవకాశం ఉందని విశాఖ తుఫాన్ హెచ్చరికల కేంద్రం వెల్లడించింది. ఈ నెల 13 నాటికి అల్పపీడనం ఏర్పడే సూచనలు ఉన్నాయని, 14వ తేదీ నాటికి ఇది మరింత బలపడే అవకాశం ఉందని పేర్కొంది. అనంతరం ఈ అల్పపీడనం పశ్చిమ వాయువ్య దిశగా పయనిస్తుందని అధికారులు తెలిపారు. దీని ప్రభావంతో కోస్తాంధ్ర ప్రాంతంలో వర్షాలు కురిసే సూచనలు ఉన్నాయని వాతావరణ శాఖ హెచ్చరించింది.