వికారాబాద్‌లో కొనసాగుతున్న మండల పరిషత్ సర్వసభ్య సమావేశం

వికారాబాద్, మేజర్ న్యూస్ (నవంబర్ 12): వికారాబాద్ మండల పరిషత్ కార్యాలయంలో మండల పరిషత్ సర్వసభ్య సమావేశం జెడ్పీ సీఈఓ సుధీర్ ఆధ్వర్యంలో కొనసాగుతోంది. ఈ సమావేశానికి ముఖ్య అతిథులుగా మార్కెట్ కమిటీ (ఏఎంసీ) చైర్మన్ శ్రీనివాస్ ముదిరాజ్, పీఏసీఎస్ చైర్మన్ రాజశేఖర్ రెడ్డి హాజరయ్యారు. సమావేశంలో మండలంలోని వివిధ గ్రామాల సర్పంచులు, వివిధ శాఖలకు చెందిన అధికారులు పాల్గొన్నారు. మండల పరిధిలోని గ్రామాల్లో అభివృద్ధి పనులు, ప్రజా సమస్యలు, ప్రభుత్వ సంక్షేమ పథకాల అమలు తదితర అంశాలపై సమావేశంలో చర్చిస్తున్నట్లు తెలిసింది. ప్రజలకు మెరుగైన సేవలు అందించేందుకు అధికారులు, ప్రజాప్రతినిధులు సమన్వయంతో పనిచేయాల్సిన అంశాలపై సమావేశం కొనసాగుతోంది.