సూర్య కథనానికి స్పందన.. క్రాస్ రెగ్యులేటర్ గేట్లు మూసివేత

సూర్య వేల్పూరు ;సూర్య దినపత్రికలో అక్టోబర్ 19న ప్రచురితమైన “నీటి విడుదల చేసినా ఫలితం శూన్యం!” అనే కథనానికి స్పందనగా అధికారులు చర్యలు చేపట్టారు.

ఎఫ్‌ఎఫ్‌సీ–కేఎం 27.85 క్రాస్ రెగ్యులేటర్‌కు సంబంధించిన అన్ని దిగువ, ఎగువ గేట్లను ఉన్నతాధికారుల ఆదేశాల మేరకు అక్టోబర్ 20న మధ్యాహ్నం 1:45 గంటలకు మూసివేశారు.ఎస్సారెస్పీ వరద కాలువ ద్వారా నీటిని విడుదల చేసినప్పటికీ, సాగునీటి తూముల స్థాయికి నీరు చేరకపోవడంతో పోచంపల్లి, అంక్సాపూర్, దొనకల్ తదితర గ్రామాల రైతులు ఇబ్బందులు ఎదుర్కొంటున్న విషయాన్ని సూర్య దినపత్రిక వెలుగులోకి తెచ్చింది.ఈ నేపథ్యంలో అధికారులు గేట్లను మూసివేయడం ప్రాధాన్యత సంతరించుకుంది. అయితే గేట్ల మూసివేతతో సాగునీటి సమస్య కి పరిష్కారం దొరికింది. తూముల స్థాయిలో నీటి ప్రవాహం కావడంతో రైతులకు ఆనందం రెట్టింపు అయ్యింది దీని ద్వారా మూడు గ్రామాలకు సాగునీరు పుష్కలంగా అందే అవకాశం ఉంది. రైతులకు పూర్తిస్థాయిలో నీరు అందించేందుకు అధికారులు ఎలాంటి చర్యలు తీసుకోనున్నారు అనేది వేచి చూడాల్సి ఉంది.రైతులకు సాగునీరు అందేలా అధికారులు సమగ్ర చర్యలు చేపట్టాలని ఆయా గ్రామాల రైతులు కోరుతున్నారు.