సీ ఈ సీ జ్ఞానేశ్ కుమార్ రాజీనామా చేయాల్సిందే సిపిఐ జిల్లా కార్యదర్శి బెజవాడ వెంకటేశ్వర్లు

సీ ఈ సీ జ్ఞానేశ్ కుమార్ రాజీనామా చేయాల్సిందే

 సిపిఐ జిల్లా కార్యదర్శి బెజవాడ వెంకటేశ్వర్లు
 

నేరేడుచర్ల, మేజర్ న్యూస్
సీఈసీ జ్ఞానేశ్ రాజీనామా చేయాల్సిందేనని 
సిపిఐ సూర్యాపేట జిల్లా కార్యదర్శి బెజవాడ వెంకటేశ్వర్లు డిమాండ్ చేశారు.శుక్రవారం ఆయన నేరేడుచర్ల లో జరిగిన సిపిఐ పార్టీ మండల కమిటీ సమావేశానికి ముఖ్యఅతిథిగా హాజరై మాట్లాడుతూ ఓటు చోరికి పాల్పడుతున్న ప్రధాన ఎన్నికల కమిషనర్ జ్ఞానేశ్ కుమార్‌ను తొలగించాలన్నారు. సర్ ప్రక్రియను నిలిపివేయాలని, సర్ ఫామ్-6 మార్పులను వ్యతిరేకిస్తూ, భారతీయులైన ప్రతి పౌరునికి  ఓటు హక్కు కల్పించాలని ఆయన డిమాండ్ చేశారు.ఎన్నికల కమిషన్‌లో జరుగుతున్న అప్రజాస్వామిక విధానాలపై న్యాయ విచారణ జరపాలని, ఎన్నికల కమిషన్ నియామకాన్ని గతంలో ఉన్న విధానంలోనే చేపట్టాలన్నారు. సిపిఐ రాష్ట్ర కమిటీ సభ్యుడు ధూళిపాళ ధనుంజయ నాయుడు మాట్లాడుతూ రాజ్యాంగబద్ధంగా వ్యవహరించాల్సిన భారత ఎన్నికల సంఘం ప్రధాన కమిషనర్ జ్ఞానేష్  కుమార్ బిజెపికి వత్తాసు పలుకుతూ ఆ పార్టీకి వ్యతిరేకంగా ఉన్న ఓట్లను తొలగించడం విచారకరమన్నారు. ఈ సమావేశంలో మండల సిపిఐ కార్యదర్శి కత్తి శ్రీనివాసరెడ్డి,వ్యవసాయ కార్మిక సంఘం జిల్లా సహాయ కార్యదర్శి రావుల సత్యం,సిపిఐ జిల్లా కౌన్సిల్ సభ్యులు అపరారపు పున్నయ్య, బీసీ హక్కుల సాధన సమితి జిల్లా సహాయ కార్యదర్శి కొమర్రాజు వెంకట్, ఏఐటీయూసీ ప్రాంతీయ సహాయ కార్యదర్శి ముత్యాల భాస్కర్, బెల్లంకొండ గోవిందు గౌడ్ తదితరులు పాల్గొన్నారు.