సహన సంస్థ ఆధ్వర్యంలో ఉచిత వైద్య శిబిరం

కొల్చారం;సేవే లక్ష్యం.. సమాజమే కుటుంబం అనే ఆలోచనతో సహన సంస్థ ఆధ్వర్యంలో మెదక్ జిల్లా కొల్చారం మండలం కొంగోడు గ్రామంలో మల్లారెడ్డి హాస్పిటల్ వారి సహకారంతో ఉచిత వైద్య శిబిరాన్ని నిర్వహించారు. గ్రామ ప్రజలందరూ ఆరోగ్యంగా ఉండాలనే ఉద్దేశంతో గ్రామ సర్పంచ్ దుబ్బగళ్ల స్వామి ఆధ్వర్యంలో ఈ కార్యక్రమాన్ని ఏర్పాటు చేశారు.సమాజ సేవే లక్ష్యంగా సహన సంస్థ కొంగోడు గ్రామానికి చెందిన నిరుపేద కుటుంబంలో జన్మించిన సాలె సత్యనారాయణ డిగ్రీ పూర్తి చేసి, 2011 సంవత్సరం నుంచి వివిధ స్వచ్ఛంద సంస్థల్లో పనిచేస్తూ సామాజిక అవగాహన కార్యక్రమాల ద్వారా సమాజంలో మార్పు తీసుకురావడానికి కృషి చేస్తున్నారు. బాలల హక్కుల పరిరక్షణ, విద్య ప్రాముఖ్యత, బాల్యవివాహాల నివారణ వంటి అంశాలపై అవగాహన కల్పిస్తూ సేవలందించారు.సాధన, స్కోప్, పద్మపాణి, కార్పెడ్, విహాన్, పీహెచ్‌ఎఫ్‌ఐ తదితర స్వచ్ఛంద సంస్థల్లో పనిచేసిన అనుభవంతో సమాజానికి తన వంతు సేవ చేయాలనే సంకల్పంతో 2025 డిసెంబర్ 17న సహన ఆర్గనైజేషన్‌ను స్థాపించారు.

నాలుగు ప్రధాన అంశాలపై సేవలు

1. బాలల హక్కుల పరిరక్షణ, బాల్యవివాహాల నివారణ.

2. సాంస్కృతిక కార్యక్రమాల నిర్వహణ.

3. మెరుగైన ఆరోగ్యం కోసం ఆరోగ్య పరిరక్షణ కార్యక్రమాలు.

4. కేంద్ర, రాష్ట్ర ప్రభుత్వ పథకాలపై ప్రజలకు అవగాహన కల్పించడం.

సమాజం మనకు గొడుగులాంటి నీడనిచ్చినప్పుడు, సమాజానికి మనం గొడుగులాంటి నీడనివ్వడం మన కర్తవ్యం” అనే ఆలోచనతో సత్యనారాయణ సంస్థ ద్వారా సేవా కార్యక్రమాలను కొనసాగిస్తున్నారు.సహన సంస్థ సేవలు అభినందనీయం: సర్పంచ్ స్వామి ఈ సందర్భంగా గ్రామ సర్పంచ్ దుబ్బగళ్ల స్వామి మాట్లాడుతూ.. గ్రామాల్లోని ప్రజలు ఆరోగ్యంగా ఉండాలని సహన సంస్థ ఆధ్వర్యంలో ఉచ�