రాబోయే తరానికి బతుకమ్మ ప్రాశాస్థ్యం,తెలంగాణ సంస్కృతీ సాంప్రదాయాలను అందించాలి ---ఎమ్. పి. ఈటల.

హైదరాబాద్ /ఆల్వాల్, మేజర్ న్యూస్ : సద్దుల బతుకమ్మ చివరి రోజు సంబరాల్లో మల్కాజ్గిరి ఎమ్. పి. ఈటల రాజేందర్ పాల్గొని బతుకమ్మను ఎట్టారు ఈ సందర్భంగా ఆయన మాట్లాడుతూ తెలంగాణ ప్రాంతం లో జరుపుకునే పండుగల్లో బతుకమ్మ పండుగకు ఒక ప్రత్యేకత ఉందని, అదేమిటంటే ప్రకృతి లో విరబూసిన 101 పువ్వులను సేకరించి బతుకమ్మను పేర్చి 9 రోజులు గౌరమ్మకు బతుకమ్మ పాటలతో ఆడుతూ జరుపుకొనే పండుగ అని వివరించారు.ప్రకృతి, పువ్వులనే దేవతలుగా కొలిచే పండుగ బతుకమ్మ పండుగ. ఈ పండుగ ఎంగిలి పూల బతుకమ్మ తో ప్రారంభమై 9 వ రోజు సద్దుల బతుకమ్మతో ముగుస్తుంది. 

ఈ సందర్బంగా కొత్తగా పెళ్ళైన ఆడపడచులు తల్లి గారి ఇంటికి వచ్చి ఇంకా పెళ్లికాని చెల్లెల్లు , తోటి ఆడపడచులతోరంగు రంగుల కొత్త దుస్తులు ధరించి సంతోషంగా ఆడుతూ పాడుతూ గడిపే పండుగ అని, ముత్తయిదువులు బతుకమ్మ తో పాటు గౌరీ పూజలు చేస్తూ తొమ్మిదో రోజు గౌరమ్మను ఒకరికొకరు పసుపు కుంకుమలు పంచుతూ, గౌరమ్మకు వీడుకోలుగా పోయిరా గౌరమ్మ... పోయి రావమ్మా అంటూ నీటిలో నిమజ్జనం చేసి సద్ధులను పంచుకొని ఇంటికి వస్తారు. అలాగే అధర్మం పై ధర్మం గెలిచిన రోజు విజయ దశమిగా దసరాను పురుషులు, స్త్రీలు జరుపుకొనేది దసరా పండుగ. ఈ దసరా పండుగ కుడా దుర్గా మాత ను 9 రోజులు  9 రూపాల్లో అలంకరించుకొని ప్రత్యేకంగా ఏర్పాటు చేసిన మండపాల్లో పూజలు నిర్వహించి, 9 రోజు నిమజహనం చేస్తారు. అనంతరం శమి వృక్షానికి పూజలు చేసి ఆ వృక్షం యొక్క ఆకులను ఒకరికొకరు పంచుకుంటూ శుభాకాంక్షలు తెలుపుకోవడం ఆనవాయితీ గా వస్తున్నది. ఈ పండుగలను, ఈ సంస్కృతిని కాపాది మన రాబోయే తరానికి అందించాలని ఆయన కోరారు.