పోతుగల్ గ్రామం తాండాల్లో ఎల్‌ఈడీ లైట్ల ఏర్పాటు
సర్పంచ్ పామెన నర్సింలు ఆధ్వర్యంలో విద్యుత్ దీపాల ఏర్పాటు
షాబాద్, మేజర్ న్యూస్ (అక్టోబర్ 28) : షాబాద్ మండలంలోని పోతుగల్ గ్రామపంచాయతీ పరిధిలోని పోతుగల్ గ్రామంతో పాటు తాండాల్లో ఎల్‌ఈడీ విద్యుత్ దీపాలను ఏర్పాటు చేశారు. గ్రామ సర్పంచ్ పామెన నర్సింలు ఆధ్వర్యంలో ప్రజలకు మెరుగైన వెలుతురు అందించడంతో పాటు రాత్రివేళల్లో సురక్షితమైన, సౌకర్యవంతమైన వాతావరణాన్ని కల్పించాలనే ఉద్దేశంతో ఈ కార్యక్రమాన్ని చేపట్టారు. గ్రామంలోని ప్రధాన రహదారులు, వీధులు, తాండాల్లో ఎల్‌ఈడీ లైట్లను ఏర్పాటు చేయడంతో రాత్రివేళల్లో వెలుతురు సమస్య తగ్గనుంది. దీంతో గ్రామస్తులు, తాండాల ప్రజలు రాత్రి సమయాల్లో రాకపోకలు సాగించేందుకు మరింత సౌకర్యంగా ఉంటుందని స్థానికులు భావిస్తున్నారు. గ్రామ అభివృద్ధిలో భాగంగా ప్రజల అవసరాలను గుర్తించి మౌలిక సదుపాయాల కల్పనకు ప్రాధాన్యత ఇస్తున్నట్లు ఈ కార్యక్రమం ద్వారా స్పష్టమవుతోంది. ఈ కార్యక్రమంలో వార్డు సభ్యుడు కుమ్మరి చంద్రశేఖర్, గ్రామ పెద్దలు సంతోష్ రెడ్డి, నేరెట్ల రాజు, పీరంపల్లి యాదయ్య, బాల్య నాయక్, రాజు, నరేందర్, ముస్తఫా, నాగరకుంట మహేందర్, నర్సింలు, యువకులు నరేష్, షాబాద్ మల్లేష్, సుభాష్ తదితరులు పాల్గొన్నారు.
