పోక్సో చట్టంపై విద్యార్థులకు అవగాహన

నవాబుపేట సూర్య న్యూస్: జిల్లా న్యాయాధికారి ఆదేశాల మేరకు నవాబుపేట మండల కేంద్రంలోని కస్తూర్బా గాంధీ బాలికల విద్యాలయం (కేజీబీవీ)విద్యార్థులకు పోక్సో చట్టంపై మంగళవారం అవగాహన కార్యక్రమం నిర్వహించారు.ఈ సందర్భంగా స్పెషల్ జ్యుడీషియల్ మెజిస్ట్రేట్ ఫస్ట్ క్లాస్ మహమ్మద్ మునవర్ హుస్సేన్ విద్యార్థులకు పోక్సో చట్టం,బాలల రక్షణ,వారి హక్కుల గురించి వివరించారు.బాలలపై లైంగిక వేధింపులకు పాల్పడితే చట్టపరంగా కఠిన చర్యలు ఉంటాయని తెలిపారు.ప్రతి విద్యార్థి తన హక్కులపై అవగాహన కలిగి ఉండాలని,ఏవైనా వేధింపులు ఎదురైతే భయపడకుండా సంబంధిత అధికారులకు సమాచారం అందించాలని సూచించారు.అనంతరం విద్యార్థులతో ప్రతిజ్ఞ చేయించారు.ఈ కార్యక్రమంలో ఎస్సై నరేందర్,కేజీబీవీ ప్రత్యేక అధికారి మాధవి,పాఠశాల సిబ్బంది,విద్యార్థులు తదితరులు పాల్గొన్నారు.