పేదల సొంతింటి కలను నిజం చేస్తున్న ప్రజా ప్రభుత్వం అర్హులైన ప్రతి పేద కుటుంబానికి ఇందిరమ్మ ఇల్లు అందించడమే లక్ష్యం
రామాయంపేట ; రామాయంపేట మున్సిపాలిటీ పరిధిలోని 1వ వార్డులో ఇందిరమ్మ ఇంటి నిర్మాణానికి మున్సిపల్ చైర్పర్సన్ గజవాడ లావణ్య నాగరాజు భూమిపూజ కార్యక్రమంలో పాల్గొన్నారు. ఈ సందర్భంగా ఇంటి నిర్మాణ పనులకు శంకుస్థాపన చేశారు.అనంతరం చైర్పర్సన్ గజవాడ లావణ్య నాగరాజు మాట్లాడుతూ.. ప్రజా పాలనలో పేదల సొంతింటి కలను నిజం చేయడమే ప్రభుత్వ ప్రధాన లక్ష్యమని తెలిపారు. మెదక్ ఎమ్మెల్యే మైనంపల్లి రోహిత్రావు సూచనల మేరకు మెదక్ నియోజకవర్గంలో గుడిసె లేని పరిస్థితి తీసుకురావాలనే సంకల్పంతో అర్హులైన ప్రతి పేద కుటుంబానికి ఇందిరమ్మ ఇళ్లు మంజూరు చేసే దిశగా ప్రభుత్వం కృషి చేస్తోందని పేర్కొన్నారు. పేదలకు సొంత ఇల్లు కల్పించడం ద్వారా వారి జీవన ప్రమాణాలను మెరుగుపరచడమే ఇందిరమ్మ ఇళ్ల పథకం ఉద్దేశమని వివరించారు.ఈ కార్యక్రమంలో మున్సిపల్ వైస్ చైర్మన్ పోచమ్మ నవనీత గణేష్, పట్టణ కాంగ్రెస్ అధ్యక్షుడు, చింతల స్వామి కౌన్సిలర్లు, దేవుని రంజిత్ సందీప్ దాకి శ్యామల స్వామి బైరం స్వప్న కుమార్ స్థానిక ప్రజాప్రతినిధులు, 1వ వార్డు కాంగ్రెస్ పార్టీ నాయకులు, కార్యకర్తలు తదితరులు పాల్గొన్నారు.