పరకాల ప్రభుత్వ జూనియర్ కళాశాలలో నెలకొన్న సమస్యలను పరిష్కరించాలి
పరకాల ప్రభుత్వ జూనియర్ కళాశాలలో నెలకొన్న సమస్యలు పరిష్కరించాలి
పరకాల ఎస్ఎఫ్ఐ పట్టణ అధ్యక్షులు బొజ్జ హేమంత్
పరకాల ప్రభుత్వ జూనియర్ కళాశాలలో నెలకొన్న సమస్యలను తక్షణమే పరిష్కరించాలని పరకాల ఎస్ఎఫ్ఐ పట్టణ అధ్యక్షులు బొజ్జ హేమంత్ డిమాండ్ చేశారు. బుధవారం
పరకాల పట్టణంలోని ప్రభుత్వ జూనియర్ కళాశాలను ఎస్ఎఫ్ఐ పరకాల పట్టణ కమిటీ ఆధ్వర్యంలో సందర్శించారు. ఈ సందర్భంగా ఎస్ ఎఫ్ ఐ పరకాల పట్టణ అధ్యక్షులు బొజ్జ హేమంత్ మాట్లాడుతూ ప్రభుత్వ జూనియర్ కళాశాలలో నెలకొన్న సమస్యలను అధికారులు వెంటనే పరిష్కరించాలని అలాగే విద్యార్థినీ విద్యార్థులు బాత్రూమ్స్ లేక తీవ్రమైన ఇబ్బందులకు గురవుతున్నారని తెలిపారు. వెంటనే వారికి బాత్రూమ్స్ ఏర్పాటు చేయాలన్నారు. విద్యార్థులు ఆడుకోవడానికి గ్రౌండ్ మౌలిక సదుపాయాలు లేక విద్యార్థులు తీవ్రమైన ఇబ్బందులు ఎదుర్కొంటున్నారని పేర్కొన్నారు.
ప్రభుత్వ జూనియర్ కళాశాలలో మధ్యాహ్న భోజనం పథకం అమలు చేయాలన్నారు. లేనియెడల
ఎస్ఎఫ్ఐ ఆధ్వర్యంలో అనేక ఉద్యమాలు చేపడతామని వారు డిమాండ్ చేశారు
కార్యక్రమంలో పరకాల పట్టణ గర్ల్స్ కన్వీనర్ శ్రీ వర్ష , ఎస్ఎఫ్ఐ పరకాల మండల అధ్యక్షులు రాహుల్ , అజయ్, బన్నీ, విద్యార్థిని విద్యార్థులు పాల్గొన్నారు.
