పాఠశాల ప్రహరీ గోడ నిర్మాణానికి భూమి పూజ
పెద్దకొత్తపల్లి,సూర్య న్యూస్: మండల పరిధిలోని పెద్దకర్పాముల జిల్లా పరిషత్ ఉన్నత పాఠశాల ప్రహరీ గోడ నిర్మాణానికి మంగళవారం భూమి పూజ నిర్వహించారు. రాష్ట్ర మంత్రి జూపల్లి కృష్ణారావు మంజూరు చేసిన నిధులతో గ్రంథాలయ జిల్లా మాజీ చైర్మన్ నాగపురి విష్ణు ఆధ్వర్యంలో నిర్మాణ పనులకు ముగ్గు పోసి శ్రీకారం చుట్టారు. అనంతరం నాయకులు మాట్లాడుతూ పాఠశాల చుట్టూ ప్రహరీ గోడ నిర్మాణం పూర్తయితే విద్యార్థుల భద్రతకు రక్షణ, భద్రత ప్రభుత్వ పాఠశాలల్లో మౌలిక వసతుల కల్పనకు ఈ నిర్మాణం దోహదపడుతుందన్నారు. నిధులు మంజూరు చేసిన మంత్రి జూపల్లి కృష్ణారావుకు స్థానికులు కృతజ్ఞతలు తెలిపారు. నిర్మాణ పనులను నాణ్యతతో త్వరితగతిన పూర్తి చేయాలని ఆకాంక్షించారు.ఈ కార్యక్రమంలో సర్పంచ్ జలాల్ చిట్టెమ్మ శివుడు, ఉపసర్పంచ్ మెరుగు వీరస్వామి, సింగిల్ విండో వైస్ చైర్మన్ మెరుగు రాజు, ఎంఈఓ జియావుద్దీన్, మాజీ సర్పంచులు దొండ శ్రీనివాసులు, పరమాల శ్రీనివాసులు, వార్డు సభ్యులు తుమ్మల సూరి, చంద్రకళ, శ్రీనివాసులు, మాజీ డైరెక్టర్ పరమాల వినోద్, ఉపాధ్యాయులు చంద్రశేఖర్, సాతాని మహేశ్వరం, సాతాని వెంకటేష్, శివ, బాలస్వామి, బాలయ్య తదితరులు పాల్గొన్నారు.
