telangana
కొత్త జిన్నెలగూడెం పాఠశాలకు ఉపాధ్యాయుడు.. 'సూర్య' కథనానికి స్పందన.
కొత్త జిన్నెలగూడెం పాఠశాలకు ఉపాధ్యాయుడు.. 'సూర్య' కథనానికి స్పందన.
దుమ్ముగూడెం సూర్య (మేజర్ న్యూస్)::
దుమ్ముగూడెం మండలంలోని కే.జిన్నెలగూడెం ప్రాథమిక పాఠశాలలో 65 మంది విద్యార్థులకు ఒక్కడే ఉపాధ్యాయుడు ఉన్నారంటూ 'సూర్య' దినపత్రికలో ప్రచురితమైన కథనంపై విద్యాశాఖ అధికారులు స్పందించారు. విద్యార్థుల ఇబ్బందులను పాఠశాలలో నెలకొన్న దుస్థితిని గుర్తించిన మండల విద్యాశాఖ అధికారి సున్నం సమ్మయ్య జిల్లా విద్యాశాఖ ఆదేశాల మేరకు ఉపాధ్యాయుని నియమించారు.దుమ్ముగూడెం పాఠశాల ఉపాధ్యాయుడు మోహన్‌ కుమార్‌ను డిప్యుటేషన్‌పై కే.జిన్నెలగూడెం పాఠశాలకు కేటాయిస్తూ ఉత్తర్వులు జారీ చేశారు.అధికారుల స్పందనతో విద్యార్థుల చదువుకు ఎదురైన ఇబ్బంది తొలగిపోవడంతో గ్రామస్తులు,విద్యార్థుల తల్లిదండ్రులు హర్షం వ్యక్తం చేశారు.
