నవాబుపేటలో ప్రారంభమైన వెంకటేశ్వర దాబా.. రిబ్బన్ కట్ చేసి ప్రారంభించిన ఎమ్మెల్యే కాలే యాదయ్య

నవాబుపేట, మేజర్ న్యూస్: నవాబుపేట మండల కేంద్రంలో నూతనంగా ఏర్పాటు చేసిన వెంకటేశ్వర దాబా ప్రారంభోత్సవం ఆదివారం ఘనంగా నిర్వహించారు. ఈ కార్యక్రమానికి చేవెళ్ల ఎమ్మెల్యే కాలే యాదయ్య ముఖ్య అతిథిగా హాజరై రిబ్బన్ కట్ చేసి దాబాను లాంఛనంగా ప్రారంభించారు.ఈ సందర్భంగా ఎమ్మెల్యే కాలే యాదయ్య మాట్లాడుతూ… నూతనంగా వ్యాపార రంగంలోకి అడుగుపెట్టిన నిర్వాహకులకు శుభాకాంక్షలు తెలిపారు. వ్యాపారంలో అంచెలంచెలుగా అభివృద్ధి సాధిస్తూ వినియోగదారులకు నాణ్యమైన, రుచికరమైన ఆహారాన్ని అందించాలని సూచించారు. నాణ్యత, మంచి సేవలతో వినియోగదారుల మన్ననలు పొందుతూ వ్యాపారంలో ఉన్నత స్థాయికి చేరుకోవాలని ఆకాంక్షించారు.మండల కేంద్రంలో నూతనంగా వెంకటేశ్వర దాబా అందుబాటులోకి రావడంతో స్థానిక ప్రజలతో పాటు వివిధ ప్రాంతాల నుంచి వచ్చే ప్రయాణికులకు ఆహార సదుపాయం మరింత చేరువ కానుంది. దాబా ప్రారంభం పట్ల స్థానికులు హర్షం వ్యక్తం చేశారు.ఈ కార్యక్రమంలో ఎత్రాజ్‌పల్లి సర్పంచ్ జగన్ రెడ్డి, ముబారక్‌పూర్ సర్పంచ్ జయయ్య, కాంగ్రెస్ పార్టీ మండల అధ్యక్షుడు రావుగారి వెంకట్ రెడ్డి, వట్టి మినపల్లి సొసైటీ వైస్ చైర్మన్ ప్రభాకర్, కాంగ్రెస్ పార్టీ సీనియర్ నాయకులు నాగిరెడ్డి, ఆనంద్ రెడ్డి, ముబారక్‌పూర్ ఉప సర్పంచ్ రాములు, కాంగ్రెస్ పార్టీ నాయకులు, కార్యకర్తలు, స్థానిక ప్రముఖులు, అభిమానులు తదితరులు పాల్గొని దాబా నిర్వాహకులకు శుభాకాంక్షలు తెలిపారు.