ప్రజాసేవలో సిఎం రేవంత్ రెడ్డి మరిన్ని ఉన్నత శిఖరాలను అధిరోహించాలి: కాంగ్రెస్ పార్టీ మాజీ అధ్యక్షుడు సురిగి నరసింహ గౌడ్

మునుగోడు,మేజర్ న్యూస్: తెలంగాణ రాష్ట్ర ముఖ్యమంత్రి ఎనుముల రేవంత్ రెడ్డి జన్మదినాన్ని పురస్కరించుకొని ఆదివారం మునుగోడు మండల కేంద్రంలో కాంగ్రెస్ పార్టీ నాయకులు ఘనంగా వేడుకలు నిర్వహించారు. కాంగ్రెస్ పార్టీ రాష్ట్ర నాయకులు చలమల కృష్ణారెడ్డి ఆదేశాల మేరకు మునుగోడు మండల కాంగ్రెస్ పార్టీ మాజీ అధ్యక్షుడు సురిగి నరసింహ గౌడ్ ఆధ్వర్యంలో పార్టీ నాయకులు, కార్యకర్తలు కేక్ కట్ చేసి ముఖ్యమంత్రి రేవంత్ రెడ్డికి జన్మదిన శుభాకాంక్షలు తెలిపారు.
ఈ సందర్భంగా సురిగి నరసింహ గౌడ్ మాట్లాడుతూ ముఖ్యమంత్రి రేవంత్ రెడ్డి ఆయురారోగ్యాలతో, సుఖసంతోషాలతో నిండు నూరేళ్లు జీవించాలని, ప్రజాసేవలో మరిన్ని ఉన్నత శిఖరాలను అధిరోహించాలని ఆకాంక్షించారు. రాష్ట్ర ప్రజల సంక్షేమం, అభివృద్ధి కోసం ఆయన చేపడుతున్న కార్యక్రమాలు మరింత విజయవంతం కావాలని కోరుకున్నారు.
ఈ కార్యక్రమంలో పాలుట్ల ప్రేమ్ కుమార్, నందిపాటి యాదయ్య, అన్నం శ్రీశైలం, నందిపాటి జనార్ధన్, సురికి కిష్టయ్య గౌడ్, సురిగి శంకరయ్య, పంతంగి నరసింహ, బత్తుల నాగరాజ్ గౌడ్, దశరథ గౌడ్ తదితర కాంగ్రెస్ పార్టీ నాయకులు పాల్గొన్నారు.