మంచిర్యాలలో ఘనంగా సీఎం రేవంత్ రెడ్డి జన్మదిన వేడుకలు

సూర్య మంచిర్యాల: OUJAC & TS JAC నాయకులు, తెలంగాణ రాష్ట్ర ఎస్సీ కార్పొరేషన్ మాజీ చైర్మన్ డాక్టర్ పిడమర్తి రవి ఆదేశాల మేరకు తెలంగాణ ముఖ్యమంత్రి ఎనుముల రేవంత్ రెడ్డి జన్మదిన వేడుకలను ఆదివారం మంచిర్యాల పట్టణంలో ఘనంగా నిర్వహించారు.ఈ సందర్భంగా తెలంగాణ ఉద్యమకారులతో కలిసి కేక్ కట్ చేసి ముఖ్యమంత్రికి జన్మదిన శుభాకాంక్షలు తెలిపారు.ఈ సందర్భంగా OUJAC & TS JAC వైస్ చైర్మన్ చిప్పకుర్తి రాజు మాట్లాడుతూ.. ప్రత్యేక తెలంగాణ రాష్ట్ర సాధన ఉద్యమంలో కీలక పాత్ర పోషించిన ఉద్యమకారుల సేవలను ప్రభుత్వం గుర్తించి వారికి తగిన గౌరవం కల్పించాలని డాక్టర్ పిడమర్తి రవి ముఖ్యమంత్రి రేవంత్ రెడ్డిని కోరినట్లు తెలిపారు.ఉద్యమకారులకు గుర్తింపు కార్డులు మంజూరు చేయడంతో పాటు 250 గజాల ఇంటి స్థలాలు కేటాయించాలని విజ్ఞప్తి చేసినట్లు వెల్లడించారు.ఈ విజ్ఞప్తిపై ముఖ్యమంత్రి సానుకూలంగా స్పందించిన నేపథ్యంలో రాష్ట్రవ్యాప్తంగా అన్ని జిల్లాల్లో ముఖ్యమంత్రి జన్మదిన వేడుకలను తెలంగాణ ఉద్యమకారుల ఆధ్వర్యంలో నిర్వహిస్తున్నట్లు పేర్కొన్నారు.ఈ కార్యక్రమంలో OUJAC & TS JAC వైస్ చైర్మన్ చిప్పకుర్తి రాజు, నేతకాని విద్యార్థి సంఘం నాయకులు జుమ్మిడి గోపాల్,ఎస్సీ రిజర్వేషన్ పోరాట సమితి నాయకులు సుందిళ్ల సతీష్, సాయికుమార్, సంతోష్ తదితరులు పాల్గొన్నారు.