నారాయణపేట డిసిసి అధ్యక్షులను కలిసిన ఎమ్మెల్సీ అభ్యర్థి

నారాయణపేట, సూర్యన్యూస్ :
రంగారెడ్డి–హైదరాబాద్–మహబూబ్‌నగర్ పట్టభద్రుల ఎమ్మెల్సీ అభ్యర్థి రామ్మోహన్ రెడ్డి శుక్రవారం నారాయణపేట జిల్లా కాంగ్రెస్ పార్టీ అధ్యక్షులు కే. ప్రశాంత్ కుమార్ రెడ్డిని హైదరాబాద్‌లోని బంజారాహిల్స్ ఎమ్మెల్యే కాలనీలో ఉన్న ఆయన నివాసంలో మర్యాదపూర్వకంగా కలిశారు. ఈ సందర్భంగా ఇరువురు నాయకులు పరస్పరం ఆత్మీయంగా పలకరించుకున్నారు. పట్టభద్రుల ఎన్నికల విషయంలో పలు అంశాలపై చర్చించారు. నారాయణపేట జిల్లాలో ఓట్లు సాధించే అంశంపై సమాలోచనలు చేశారు. కాంగ్రెస్ అభ్యర్థి గెలిచేందుకు జిల్లాలో మెజారిటీ తీసుకురావడంలో తన వంతు కృషి చేస్తానని చెప్పారు.
-- రాజేష్ కుమార్, సూర్య రిపోర్టర్ నారాయణపేట.