మాస్టర్ మైండ్స్ స్కూల్లో అంగరంగ వైభవంగా బతుకమ్మ సంబరాలు

హుస్నాబాద్ : మాస్టర్ మైండ్స్ స్కూల్లో బతుకమ్మ సంబరాలు అంగరంగ వైభవంగా జరిగాయి. తెలంగాణ సంస్కృతి, సంప్రదాయాలకు ప్రతీకగా నిలిచే బతుకమ్మ పండుగను పాఠశాలలో విద్యార్థులు, ఉపాధ్యాయులు ఎంతో ఉత్సాహంగా జరుపుకున్నారు. రంగురంగుల పూలతో బతుకమ్మలను అందంగా పేర్చి, సంప్రదాయబద్ధంగా వేడుకలను నిర్వహించారు.ఈ కార్యక్రమంలో పాఠశాల ప్రిన్సిపల్ మాధవీలతతో పాటు ఉపాధ్యాయులు శ్రీకాంత్, అఖిల్, సౌజన్య, సుమలత, శ్రీజ, వనమాల, స్వాతి, రాధిక, మానస, కావ్య తదితరులు పాల్గొన్నారు. విద్యార్థులతో కలిసి బతుకమ్మ సంబరాల్లో ఉత్సాహంగా పాల్గొని పండుగ శోభను మరింత పెంచారు.తెలంగాణ సంస్కృతి, సంప్రదాయాల గొప్పతనాన్ని విద్యార్థులకు తెలియజేస్తూ, ఐక్యత మరియు ఆనందాన్ని పంచేలా ఈ వేడుకలను ఘనంగా నిర్వహించారు.