కాలువలో కాలుజారి వ్యక్తి మృతి

ఆత్మకూరు /మేజర్ న్యూస్:  వనపర్తి జిల్లా వనపర్తి జిల్లా అమరచింత మండలం  జూరాల ఎడమ కాలువలో కాలుజారి ఒక వ్యక్తి మరణించిన సంఘటన చోటు చేసుకున్నది. అమరచింత ఎస్సై శేఖర్ రెడ్డి తెలిపిన వివరాల ప్రకారం.. శుక్రవారం ఆంధ్రప్రదేశ్ అనంతపురం జిల్లాకు చెందిన షరాబు పవన్ కుమార్ తండ్రి బ్రహ్మచారి వయసు (39 )వారి కుటుంబ సభ్యులు అందరూ కలిసి జూరాల ప్రాజెక్టును చూడడానికి రావడం జరిగింది. మధ్యాహ్నం అందాజా 3.00 గంటల ప్రాంతంలో షరాఫ్ పవన్ కుమార్ జూరాల ఎడమ కాలువలో స్నానం చేయడానికి నీటిలో దిగి స్నానం చేస్తుండగా ప్రమాదవశాత్తు కాలుజారి అంటే కాలువలో పడగా కాలువ నీటి ప్రవాహానికి కొట్టుకుపోయినట్లు తెలిపారు. సాయంత్రం 5.00 గంటల సమయంలో పవన్ కుమార్ యొక్క మృతదేహం లభ్యమైనట్లు, ఈ సంఘటనకు పై అమరచింత పోలీస్ స్టేషన్లో కేసు నమోదు చేసినట్లు శుక్రవారం రాత్రి ఆయన పేర్కొన్నారు.
_రాజారత్నం ఆత్మకూరు వనపర్తి జిల్లా.