దాడిలో గాయపడిన వైఎస్ఆర్ పార్టీ నాయకులకు మాజీ ఎమ్మెల్యే కంగాటి శ్రీదేవమ్మ పరామర్శ...
వెల్దుర్తి సూర్య ప్రతినిధి రూరల్ మేజర్ న్యూస్: మండల పరిధిలోని అల్లుగుండు గ్రామానికి చెందిన వైఎస్ఆర్ పార్టీ నాయకులు శ్రీరామ్ రెడ్డి, మల్లికార్జున, శీలన్న, పకీరప్పలు టీడీపీ నాయకుల దాడిలో గాయపడి కర్నూలు ఆసుపత్రిలో చికిత్స పొందుతున్నారన్న విషయం తెలుసుకున్న పత్తికొండ నియోజకవర్గం మాజీ ఎమ్మెల్యే కంగాటి శ్రీదేవమ్మ ఆసుపత్రికి వెళ్లి వారిని పరామర్శించి ఆరోగ్య పరిస్థితిని అడిగి తెలుసుకున్నారు.ఈ సందర్భంగా కంగాటి శ్రీదేవమ్మ మాట్లాడుతూ. స్థానిక సంస్థల ఎన్నికల్లో గెలవలేమనే భయంతో టీడీపీ నాయకులు దౌర్జన్యాలకు, దాడులకు పాల్పడటం ప్రజాస్వామ్యానికి విరుద్ధమని విమర్శించారు. ఎన్నికల్లో ప్రజల మద్దతు పొందేందుకు ప్రయత్నించాల్సింది పోయి, ప్రత్యర్థి పార్టీ నాయకులు కార్యకర్తలపై దాడులకు దిగడం సమంజసం కాదన్నారు. ఎలాంటి బెదిరింపులకు,దాడులకు వైఎస్ఆర్ పార్టీ నాయకులు,కార్యకర్తలు భయపడే ప్రసక్తే లేదని, ప్రజాస్వామ్య పద్ధతిలోనే ఎన్నికలను ఎదుర్కోవాలని స్పష్టం చేశారు. ఈ కార్యక్రమంలో జిల్లా వైకాపా నాయకులు దేశాయి సమీర్ కుమార్ రెడ్డి, మండల కన్వీనర్ బొమ్మన రవీంద్రనాథ్ రెడ్డి, మాజీ సర్పంచ్ రాధాకృష్ణారెడ్డి, వైకాపా నాయకులు తదితరులు పరామర్శించారు. సూర్య ప్రతినిధి కర్నూలు జిల్లా వెల్దుర్తి మండలం
