కాచాపూర్ గ్రామంలో దూడలకు నట్టల నివారణ మందుల పంపిణీ

సూర్య- బిక్కనూర్ : మండలంలోని కాచాపూర్ గ్రామంలో సోమవారం పశుసంవర్ధక శాఖ ఆధ్వర్యంలో దూడలకు నట్టల నివారణ మందుల పంపిణీ కార్యక్రమాన్ని మండల పశువైద్యాధికారి దివ్యశ్రీ గ్రామ సర్పంచ్ జ్యోతి సంతోష్ గౌడ్ తో కలిసి ప్రారంభించారు.ఈ సందర్భంగా డాక్టర్ దివ్యశ్రీ మాట్లాడుతూ, పాడి పరిశ్రమలో రైతులు లాభాలు గడించాలంటే దూడల సంరక్షణ అత్యంత కీలకమని పేర్కొన్నారు. దూడలలో నట్టల సమస్య వల్ల రక్తహీనత ఏర్పడి, ఎదుగుదల లోపిస్తుందని, సకాలంలో నట్టల మందులు తాపించడం ద్వారా వాటి మరణాలను అరికట్టవచ్చని రైతులకు అవగాహన కల్పించారు. ప్రతి ఒక్క రైతు తమ దూడలకు వయస్సును బట్టి కచ్చితమైన కాలపట్టిక ప్రకారం డీవార్మింగ్ చేయించాలని ఆమె సూచించారు.ఈ కార్యక్రమంలో పశువైద్య శాఖ సిబ్బంది ఎల్‌.ఎస్.ఏ  మోహిన్, ఓ.ఎస్ భరత్, గోపాలమిత్రలు సురేష్, మహేష్ పాడి రైతులు పాల్గొన్నారు