telangana
జీవన దర్పణం” పుస్తకావిష్కరణ
రవీంద్ర భారతి, : ప్రముఖ విశ్లేషకులు, రచయిత, గాయకులు, సామాజిక కార్యకర్త పేరి నాగేశ్వరరావు రచించిన “జీవన దర్పణం” పుస్తకావిష్కరణ సభ అన్నపూర్ణ నిలయంలో నిర్వహించారు. కార్యక్రమానికి ముఖ్య అతిథులుగా రక్షిత హాస్పిటల్స్ చైర్మన్ రాంప్రసాద్, బ్రిలియంట్ ఇన్సూరెన్స్ బ్రోకింగ్ కంపెనీ సీఈఓ పి.ఎస్.ఆర్. మూర్తి పాల్గొని పుస్తకాన్ని ఆవిష్కరించారు. ఈ సందర్భంగా వారు మాట్లాడుతూ.. జీవితాన్ని ప్రతిబింబించే అక్షర రూపం జీవన దర్పణం అని కొనియాడారు.
“జీవన దర్పణం” అనేది కేవలం ఒక పుస్తకం మాత్రమే కాదని జీవితంలో మనిషి ఎదుర్కొనే అనేక అనుభవాలు, అనుభూతులు, ఆలోచనలు, బాధ్యతలు, సంబంధాలు, సామాజిక పరిణామాలను ప్రతిబింబించే ఒక ఆలోచనాత్మక రచన అని పేర్కొన్నారు. భవిష్యత్తులో మరిన్ని పుస్తకాలు రాయాలని ఆకాంక్షించారు.
కార్యక్రమానికి రచయిత పేరి నాగేశ్వరరావు అధ్యక్షత వహించగా, తులసీరామ్ వ్యాఖ్యాతగా వ్యవహరించారు. సభకు ముందు ప్రముఖ గాయనీ, గాయకుల ఆలోచించిన మధుర గీతాలు అలరించాయి.