గాంధీజీ ఆశయాలు జీవితంలో ప్రతి ఒక్కరూ అలవర్చుకోవాలి -జిల్లా అదనపు ఎస్పి నోముల వెంకటేశ్వర్లు

 మహాత్మా గాంధీ  అందించిన అహింస, సత్యం, శాంతి మార్గాలు నేటి సమాజానికి, పోలీస్ వ్యవస్థకు ఎంతో మార్గదర్శకమని, గాంధీజీ ఆశయాలను ప్రతి ఒక్కరూ తమ జీవితంలో అలవర్చుకోవాలని జిల్లా అదనపు ఎస్పీ నోముల వెంకటేశ్వర్లు అన్నారు.
జిల్లా పోలీస్ కార్యాలయంలో జాతిపిత మహాత్మా గాంధీ 157వ జయంతి వేడుకలను శుక్రవారం ఘనంగా నిర్వహించారు. ఈ సందర్భంగా జిల్లా అదనపు ఎస్పీ ఎన్.వెంకటేశ్వర్లు  మహాత్మా గాంధీ గారి చిత్రపటానికి పూలమాల వేసి ఘనంగా నివాళులర్పించారు. అనంతరం మాట్లాడుతూ సమాజంలో శాంతి భద్రతల పరిరక్షణకు, ప్రజా సేవకు పోలీసులు నిబద్ధతతో కృషి చేయడమే గాంధీజీకి మనం ఇచ్చే నిజమైన నివాళి అని పేర్కొన్నారు. కార్యక్రమంలో రిజర్వ్ ఇన్స్పెక్టర్ జగన్, ఎస్ఐలు రమేష్, శ్రీనివాస్, ఆర్ఎస్ఐలు ప్రశాంత్, గౌస్ పాషా, శివాజీలతో పాటు జిల్లా పోలీస్ కార్యాలయ సిబ్బంది పెద్ద సంఖ్యలో పాల్గొన్నారు.
పి. వినయ్ కుమార్. నాగర్ కర్నూల్ క్రైమ్, సూర్య న్యూస్