ఎల్‌నినో ప్రభావంతో నీటి కొరత ముప్పు.. ప్రతి చుక్కనూ పొదుపు చేద్దాం జిల్లా గ్రంథాలయ సంస్థ చైర్మన్ గోల్ల అంజయ్య

 రాయికోడ్;జిల్లాలో ఎల్ ని నో ప్రభావం రానున్న రోజుల్లో నీటి కొరత చాలా వరకు ఏర్పడే అవకాశాలు ఉన్నందున ప్రజలందరూ నీటిని పొదుపుగా వినియోగించాలని జిల్లా గ్రంధాలయ సంస్థ చైర్మన్ గోల్ల అంజయ్య కోరారు. ఈ సంవత్సరంలో  వర్షాలు ఆశించిన స్థాయిలో కురవకపోవడంతో భూగర్భ జలాలపై ప్రభావం పడే అవకాశం ఉందని పేర్కొన్నారు. అందుకని ప్రతి ఒక్కరూ నీటి విలువను గుర్తించి, అవసరమైన మేరకే వినియోగించాలని సూచించారు. ఇంట్లో కుళాయిలను తెరిచి ఉంచి నీటిని వృథా చేయకూడదని, వ్యవసాయంలోనూ నీటిని జాగ్రత్తగా వినియోగించాలని తెలిపారు. భవిష్యత్తులో నీటి ఇబ్బందులు తలెత్తకుండా ప్రజలు ఇప్పటి నుంచే పొదుపు చర్యలు పాటించాలని సూచించారు