చిర్రగూడూరులో స్మార్ట్ రేషన్ కార్డుల పంపిణీ* -సర్పంచ్ చిత్తలూరు సోమనారాయణ

  అడ్డగూడూరు అక్టోబర్ 16 మేజర్ న్యూస్ యాదాద్రి భువనగిరి జిల్లా
అడ్డగూడూరు మండలం  చిర్రగూడూరు  గ్రామంలో సర్పంచ్ చిత్తలూరి సోమనారాయణ లబ్ధిదారులకు స్మార్ట్ రేషన్ కార్డులను పంపిణీ చేశారు. ఈ సందర్భంగా ఆయన మాట్లాడుతూ.. ప్రభుత్వం అర్హులైన పేద ప్రజలకు అందిస్తున్న సంక్షేమ పథకాలను సద్వినియోగం చేసుకోవాలని సూచించారు. స్మార్ట్ రేషన్ కార్డుల ద్వారా ప్రజలకు రేషన్‌ సరుకుల పంపిణీలో మరింత సౌలభ్యం కలుగుతుందని పేర్కొన్నారు. అర్హులైన ప్రతి ఒక్కరికీ ప్రభుత్వ పథకాల ప్రయోజనాలు అందేలా కృషి చేస్తామని తెలిపారు. గ్రామంలో ప్రజలకు అవసరమైన మౌలిక సదుపాయాల కల్పనతోపాటు అభివృద్ధి కార్యక్రమాలకు ప్రాధాన్యమిస్తామని చెప్పారు. ప్రజా సమస్యల పరిష్కారానికి ఎల్లప్పుడూ అందుబాటులో ఉంటూ గ్రామ అభివృద్ధికి కృషి చేస్తానని సర్పంచ్ సోమనారాయణ పేర్కొన్నారు. ఈ కార్యక్రమంలో ఉప సర్పంచ్ శీలం లింగమల్లు, జిపిఓ సాయికిరణ్, కాంగ్రెస్ గ్రామ శాఖ అధ్యక్షుడు కుంభం గోపాల్, చిత్తలూరు కృష్ణ, యూత్ కాంగ్రెస్ అధ్యక్షులు బండి నరేష్, డీలర్ సైదులు,కూటికంటి రమేష్, శంభు లింగం,గ్రామస్తులు తదితరులు పాల్గొన్నారు.