భూ రీ సర్వేకు రైతులు సహకరించాలి

కందుకూరు, మేజర్ న్యూస్:కందుకూరు మండలం గఫూర్ నగర్ గ్రామంలో గురువారం భూముల సమగ్ర రీసర్వేపై నిర్వహించిన గ్రామసభలో ఆర్డీవో జగదీశ్వర్ రెడ్డి మాట్లాడుతూ, రైతుల భూ హక్కుల పరిరక్షణకు రీసర్వే ఎంతో కీలకమని పేర్కొన్నారు. రైతులందరూ రీసర్వే కార్యక్రమానికి పూర్తి సహకారం అందించాలని కోరారు.
రీసర్వే ద్వారా భూముల హద్దులు, విస్తీర్ణం, సర్వే నంబర్లు స్పష్టమవడంతో పాటు భూ వివాదాల నివారణకు, ఖచ్చితమైన భూ రికార్డుల రూపకల్పనకు అవకాశం ఉంటుందని వివరించారు. సర్వే బృందం గ్రామానికి వచ్చినప్పుడు రైతులు తమ భూముల వద్ద హాజరై వాస్తవ హద్దులను చూపించాలని సూచించారు.
ఈ కార్యక్రమంలో తహసీల్దార్ వేణుగోపాల్, డీటీ శేఖర్, డిప్యూటీ ఇన్‌స్పెక్టర్ ఆఫ్ సర్వే రామకాంత్ రెడ్డి, మండల సర్వేయర్ సాయికాంత్, సర్పంచ్ కృష్ణ, ఉపసర్పంచ్ రవికుమార్ రెడ్డి, ఎంపీఓ శ్రీనివాస్, ఏవో లావణ్య, ఏపీఎం సత్యనారాయణ, రైతులు, గ్రామస్థులు పాల్గొన్నారు.

టి శ్రీనివాస్, కందుకూరు, మేజర్ న్యూస్, రంగారెడ్డి జిల్లా.