భక్తులకు దుర్గాదేవి రూపంలో దర్శనమిచ్చిన దుర్గమ్మ

రామాయంపేట ; నిజాంపేట మండల కేంద్రంలోని శ్రీ దుర్గామాత ఉత్సవ కమిటీ ఆధ్వర్యంలో నిర్వహిస్తున్న 22వ వార్షికోత్సవాల్లో భాగంగా ఎనిమిదో రోజు ఆదివారం అమ్మవారు దుర్గాదేవి రూపంలో భక్తులకు దర్శనమిచ్చారు. ఈ సందర్భంగా గ్రామ పురోహితులు వేలేటి లక్ష్మణ శాస్త్రి ఆధ్వర్యంలో దంపతులచే అమ్మవారికి అభిషేక కార్యక్రమాలు నిర్వహించి అమ్మవారికి గ్రామస్తులు ఓడి బియ్యాన్ని సమర్పించారు. అలాగే సాయంత్రకాల పూజ లో దంపతుల పూజతో పాటు కుమారి పూజ కార్యక్రమాన్ని భక్తిశ్రద్ధలతో చేపట్టారు.ఈ సందర్భంగా అమ్మవారి అనుగ్రహం గ్రామ ప్రజలందరిపై ఉండాలని, గ్రామం సుఖసంతోషాలతో, ఆయురారోగ్యాలతో వర్ధిల్లాలని భక్తులు ప్రార్థించారు.ఈ కార్యక్రమంలో శ్రీ దుర్గామాత ఉత్సవ కమిటీ అధ్యక్షులు కొండేరి ప్రభాకర్, ఉపాధ్యక్షులు జీడీ చంద్రకాంత్ గౌడ్, క్యాషియర్ మాసుల నాగరాజు, భానుక బిక్షపతి, చేరివిరాల కృష్ణమూర్తి, నాయిని రాజు, పంపరి శివకుమార్, వీరమల్లు బాలయ్యతో పాటు గ్రామస్తులు, మహిళలు, భక్తులు తదితరులు పాల్గొన్నారు.