telangana
బైక్ అదుపుతప్పి చెట్టును ఢీకొని వ్యక్తి మృతి
దోమ, మేజర్ న్యూస్: మండల పరిధిలోని తిమ్మాయిపల్లి సమీపంలో ఘోర రోడ్డు ప్రమాదం చోటుచేసుకుంది. వేగంగా వెళ్తున్న ద్విచక్ర వాహనం అదుపుతప్పి రోడ్డు పక్కన ఉన్న చెట్టును బలంగా ఢీకొట్టడంతో మోత్కూరు గ్రామానికి చెందిన రాకొండ వెంకటయ్య (42) అక్కడికక్కడే మృతి చెందాడు. ఏపీ 28 ఏవై 6563 నంబరు గల బైక్‌పై వెళ్తున్న వెంకటయ్య ప్రమాదంలో తీవ్రంగా గాయపడి ప్రాణాలు కోల్పోయాడు. సమాచారం అందుకున్న పోలీసులు ఘటనాస్థలికి చేరుకుని ప్రమాద వివరాలను పరిశీలించారు. మృతదేహాన్ని పోస్టుమార్టం నిమిత్తం పరిగి ప్రభుత్వ ఆసుపత్రికి తరలించారు. మృతుడి భార్య పార్వతమ్మ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు.
