అప్పాజీపల్లి నుంచి ఏడుపాయలకు భక్తుల పాదయాత్ర

కొల్చారం ..మెదక్ జిల్లా కొల్చారం మండలం అప్పాజీపల్లి గ్రామంలోని శ్రీ లక్ష్మీనరసింహస్వామి ఆలయం నుంచి దుర్గ భవాని భక్తులు భక్తిశ్రద్ధలతో పాదయాత్ర చేపట్టి ఏడుపాయల వనదుర్గ భవాని మాతను దర్శించుకున్నారు. అమ్మవారి నామస్మరణతో సాగిన పాదయాత్ర భక్తుల్లో ఉత్సవాన్ని నింపింది. ఈ సందర్భంగా ధనరాజ్ స్వామి మాట్లాడుతూ.. అమ్మవారి ఆశీస్సులు ప్రతి ఒక్కరిపై ఉండాలని, ప్రజలందరూ సుఖ సంతోషాలతో, ఆయురా ఆరోగ్యాలతో ఉండాలని ప్రార్థించినట్లు తెలిపారు. ఈ కార్యక్రమంలో కన్నే బోయిన వేణు స్వామి, కన్నే బోయిన నర్సింలుస్వామి, హర్షిత మాత, ఆశ్రిత మాత, సాయి మోక్షిమాత, ప్రణీత మత, రాజబోయిన సురేష్ తదితరులు పాల్గొన్నారు.