ఆపదలో నేనున్నానంటూ అండగా నిలుస్తున్న బీజేపీ జిల్లా కార్యవర్గ సభ్యులు గోలి లింగస్వామి

ఆపదలో నేనున్నానంటూ అండగా  నిలుస్తున్న బీజేపీ జిల్లా కార్యవర్గ సభ్యులు గోలి లింగస్వామి

????మహేశ్వరం లింగయ్య అంత్యక్రియలకు రూ.10 వేల ఆర్థిక సాయం అందజేత

మునుగోడు,మేజర్ న్యూస్:మండలంలోని ఇప్పర్తీ గ్రామానికి చెందిన బీజేపీ జిల్లా కార్యవర్గ సభ్యులు గోలి లింగస్వామి ఆపదలో నేనున్నానంటూ అండగా నిలుస్తున్నారు.ఆపదలో ఉన్నారని తెలిస్తే చాలు  నేనున్నానంటూ ముందుకు వచ్చి ఆపన్నులకు అండగా నిలిచి, ప్రజల మన్ననలు పొందుతున్నారు. ఇప్పర్తి గ్రామంలో జన్మించడం ఆ గ్రామ ప్రజలకు దేవుడు ప్రసాదించిన గొప్ప వరమని పలువురు అభిప్రాయపడుతున్నారు. ఎవరికి ఏ కష్టం వచ్చినా, ఏ ఆపద ఎదురైనా ముందుగా గుర్తుకొచ్చే పేరు గోలి లింగస్వామిదేనని గ్రామస్తులు కొనియాడుతున్నారు. ఆదివారం తెల్లవారుజామున గ్రామానికి చెందిన మహేశ్వరం లింగయ్య అకస్మాత్తుగా మృతి చెందారు.విషయం తెలుసుకున్న ఆయన మహేశ్వరం లింగయ్య మృతి  పట్ల తీవ్ర దిగ్భ్రాంతి వ్యక్తం చేసి, కుటుంబ సభ్యులను పరామర్శించి, తన ప్రగాఢ సానుభూతిని తెలిపారు. లింగయ్య అంత్యక్రియల ఖర్చుల నిమిత్తం తన వంతు సహాయంగా ఆయన కుమారుడికి రూ.10,000 ఆర్థిక సహాయం ను అందజేసి మానవత్వం చాటుకున్నారు.ఈ సందర్భంగా ఆయన మాట్లాడుతూ లింగయ్య మృతి కుటుంబ సభ్యులకే కాకుండా గ్రామానికి కూడా తీరని లోటని, ఆయన ఆత్మకు శాంతి చేకూరాలని భగవంతుడిని ప్రార్థిస్తున్నానని తెలిపారు. ఈ కష్టకాలంలో బాధిత కుటుంబానికి అండగా ఉంటామని భరోసా ఇచ్చారు.అనంతరం గోలి లింగస్వామితో పాటు పలువురు గ్రామ పెద్దలు, ప్రముఖులు లింగయ్య భౌతికకాయానికి పూలమాలలు వేసి ఘనంగా నివాళులర్పించారు. బాధిత కుటుంబానికి తమ ప్రగాఢ సానుభూతిని తెలియజేశారు.ఆపదలో ఉన్నవారికి ఆర్థిక సాయం అందించడమే కాకుండా, వారి కష్టాల్లో పాలుపంచుకుంటూ మానవత్వానికి నిలువెత్తు నిదర్శనంగా నిలుస్తున్న గోలి లింగస్వామిపై గ్రామస్తులు ప్రశంసలు కురిపిస్తున్నారు.

కె ఇంద్రసేనారెడ్డి,మేజర్ న్యూస్, మునుగోడు, నల్గొండ జిల్లా.