రోడ్లపై ధాన్యం, ఆరబెట్టడం వల్ల తీవ్ర ప్రమాదాలు

రోడ్లపై ఆరబెడితే కఠిన చర్యలు తప్పవు.
: ఎస్ఐ.చిర్ర. సతీష్ 
:కమ్మరపల్లి ఎస్‌ఐ. సిహెచ్. సతీష్ 
సూర్య కమ్మర్ పల్లి :
కమ్మర్ పల్లి మండల పరిధిలోని ప్రధాన రహదారులు, గ్రామీణ రహదారుల పై మక్కలు (మొక్కజొన్నలు), వడ్లు మరియు ఇతర వ్యవసాయ ఉత్పత్తులను ఆరబెట్టవద్దని కమ్మర్ పల్లి ఎస్‌ఐ సతీష్  రైతులకు సూచించారు.
రోడ్లపై ధాన్యం, మక్కలు పోసి ఆరబెట్టడం వల్ల వాహనదారులు, ముఖ్యంగా ద్విచక్ర వాహనదారులు మరియు రైతులు, వాహనాలు అదుపుతప్పి స్కిడ్ కావడంతో, ప్రమాదాలకు గురయ్యే అవకాశం ఉందని తెలిపారు. ఇలాంటి ఘటనలు కొన్నిసార్లు ప్రాణనష్టానికి కూడా దారితీసే ప్రమాదం ఉందని పేర్కొన్నారు.రహదారులు ప్రజలు, వాహనాలు సురక్షితంగా రాకపోకలు సాగించేందుకు ఉద్దేశించినవని, వాటి పై వ్యవసాయ ఉత్పత్తులను ఆరబెట్టడం వల్ల రోడ్డు ప్రమాదాల ముప్పు పెరుగుతుందని  తెలిపారు.
రైతులు తమ పంట ఉత్పత్తులను రోడ్లపై కాకుండా కల్లాలు (Drying Yards), ప్లాట్ ఫార్మ్ తమ వ్యవసాయ భూములు లేదా వ్యవసాయ మార్కెట్ యార్డులలో, ఆరబెట్టుకోవాలని ఎస్‌ఐ విజ్ఞప్తి చేశారు.ప్రజలు, రైతులు మరియు వాహనదారుల భద్రతను దృష్టిలో ఉంచుకుని కమ్మరపల్లి మండల ప్రజలు, రైతులు సహకరించాలని కమ్మరపల్లి ఎస్‌ఐ సతీష్  కోరారు.