క్రీడల్లో రాణిస్తే మంచి భవిష్యత్తు

క్రీడల్లో రాణిస్తే మంచి భవిష్యత్తు

సర్పంచ్,సాఫ్ట్ బాల్ అసోసియేషన్ ప్రెసిడెంట్ - వీరగొని రాజ్ కుమార్

సాఫ్ట్ బాల్ పోటీలలో వరంగల్ జట్టుకు తృతీయ స్థానం రావడంతో క్రీడాకారులను అభినందించిన సర్పంచ్

గీసుగొండ సెప్టెంబర్ 21 మేజర్ న్యూస్ (సూర్య)విద్యార్థులు క్రీడల్లో రాణిస్తే మంచి భవిష్యత్‌ ఉంటుందని గీసుగొండ సర్పంచ్ వీరగోని రాజ్ కుమార్ అన్నారు. సెప్టెంబర్ 19 నుండి 20 వరకు నిజాంబాద్ జిల్లాలోని కమ్మర్పల్లి స్టేడియంలో జరిగిన 11వ రాష్ట్రస్థాయి సబ్ జూనియర్ సాఫ్ట్ బాల్ బాలికల పోటీలలో వరంగల్ జట్టు ప్రాతినిధ్య వహించి తృతీయ స్థానం సాధించడంతో సర్పంచ్,సాఫ్ట్ బాల్ అసోసియేషన్ ప్రెసిడెంట్ వీరగొని రాజ్ కుమార్ క్రీడాకారులను అభినందించారు.ఈ సందర్భంగా సర్పంచ్ వీరగోని రాజ్ కుమార్ మాట్లాడుతూ..
క్రీడాకారులను ఇంకా మరిన్ని విజయాలు సాధించాలని,క్రీడాకారులకు ఎలాంటి సహకారం కావాలన్న అందిస్తానని హామీ ఇచ్చారు.రాష్ట్ర ప్రభుత్వం క్రీడాకారులకు ఉద్యోగంలో 2 శాతం రిజర్వేషన్ కల్పించిందని,క్రీడల్లో రాణిస్తే ప్రభుత్వ ఉద్యోగాలు సాధించవచ్చని అన్నారు.సాఫ్ట్ బాల్ అసోసియేషన్ సెక్రెటరీ పూజారి అశోక్ బాబు మాట్లాడుతూ..నిజాంబాద్ జిల్లాలోని కమ్మర్పల్లి స్టేడియం లో జరిగిన 11వ రాష్ట్రస్థాయి సబ్ జూనియర్ సాఫ్ట్ బాల్ బాలికల పోటీలలో వరంగల్ జట్టు ప్రాతినిధ్య వహించి తృతీయ స్థానం పొందిందని, ఏ.తనుశ్రీ పోటీలో అత్యుత్తమ ప్రతిభ ప్రదర్శించి వరంగల్ జిల్లా జట్టు తృతీయ స్థానం రావడానికి కృషి చేసిందని, రాష్ట్రస్థాయి బెస్ట్ ఆల్ రౌండర్ అవార్డు తీసుకుందని ఆయన పేర్కొన్నారు.వైస్ ఎస్ ఓ బి.అనిల్ మాట్లాడుతూ క్రీడల్లో రాణించిన వారు అన్ని రంగాల్లో రాణించగలరని క్రీడాకారులను ఉద్దేశించి అభినందించినారు.ఈ కార్యక్రమంలో గీసుకొండ ఉప సర్పంచ్ కోట ప్రమోద్, వరంగల్ జిల్లా సాఫ్ట్బాల్ అసోసియేషన్  భీమగాని ముఖర్జీ, సృజన్ ప్రసాద్ రావు    వరంగల్ ఉమ్మడి జిల్లా ప్రెసిడెంట్ పి సాంబశివరావు,సెక్రెటరీ టి.రాజేందర్, వైస్ ప్రెసిడెంట్ పి.సాంబ మూర్తి,పిఈటి ఎస్ ఈశ్వర్, పి.ప్రశాంత్ పాల్గొన్నారు.