తెలంగాణకు వర్ష గండం.. 2 రోజుల పాటు పలు జిల్లాలకు ఎల్లో అలర్ట్ జారీ!

హైదరాబాద్: తెలంగాణలో వాతావరణంలో చోటుచేసుకుంటున్న మార్పుల నేపథ్యంలో రాష్ట్రంలోని పలు జిల్లాలలో రానున్న రెండు రోజుల పాటు తేలికపాటి నుంచి మోస్తరు వర్షాలు కురిసే అవకాశం ఉందని వాతావరణ శాఖ హెచ్చరించింది. ఈ నేపథ్యంలో పలు జిల్లాలకు ఎల్లో అలర్ట్ జారీ చేయగా, కొన్ని ప్రాంతాలలో ఉరుములు, మెరుపులతో కూడిన వర్షాలు పడే సూచన ఉంది. అలాగే గంటకు 30 నుంచి 40 కి.మీ వేగంతో బలమైన ఈదురుగాలులు వీచే అవకాశం ఉండటంతో, పిడుగులు పడే ప్రమాదం ఉన్నందున రైతులు, చెట్ల కింద లేదా బహిరంగ ప్రదేశాలలో ఉండేవవారు తగిన జాగ్రత్తలు తీసుకోవాలని అధికారులు సూచిస్తున్నారు.