తెలంగాణ సంస్కృతికి బతుకమ్మ ప్రతీక: వీబీఆర్ ఇన్‌స్టిట్యూట్ డైరెక్టర్ భీమరాజు

కొడంగల్, మేజర్ న్యూస్: తెలంగాణ సంస్కృతి, సంప్రదాయాలకు బతుకమ్మ పండుగ ప్రతీకగా నిలుస్తుందని వీబీఆర్ కంప్యూటర్ ట్రైనింగ్ ఇన్‌స్టిట్యూట్ డైరెక్టర్ వి. భీమరాజు అన్నారు. ఇన్‌స్టిట్యూట్‌లో శనివారం బతుకమ్మ వేడుకలను ఘనంగా నిర్వహించారు. విద్యార్ధినులు, సిబ్బంది ఉత్సాహంగా పాల్గొని బతుకమ్మ సంబరాలు జరుపుకున్నారు. ఇలాంటి వేడుకలతో విద్యార్థులకు తెలంగాణ సంస్కృతి, సంప్రదాయాలపై అవగాహన పెరుగుతుందని భీమరాజు పేర్కొన్నారు. ఈ కార్యక్రమంలో విజయలక్ష్మి, ఫయాజ్, శిరీష, బిందు, సంగీత, పూజ తదితరులు పాల్గొన్నారు.

రిపోర్టర్:ఆబిద్, కొడంగల్, వికారాబాద్ జిల్లా.