తెలంగాణ గ్లోబల్‌ సమ్మిట్‌-2025కు సన్నాహాలు

హైదరాబాద్‌: తెలంగాణ గ్లోబల్‌ సమ్మిట్‌-2025 నిర్వహణకు ప్రభుత్వం సన్నాహాలు ముమ్మరం చేసింది. ఈ మేరకు హైదరాబాద్‌లోని సచివాలయంలో ఉప ముఖ్యమంత్రి భట్టి విక్రమార్క అధ్యక్షతన సన్నాహక సమావేశం నిర్వహించారు.

సమ్మిట్‌ ఏర్పాట్లు, వివిధ శాఖల సమన్వయం, కార్యక్రమాల నిర్వహణకు సంబంధించిన అంశాలపై అధికారులతో ఉప ముఖ్యమంత్రి సమీక్షించారు. సమ్మిట్‌ను విజయవంతంగా నిర్వహించేందుకు అవసరమైన ఏర్పాట్లను సమర్థవంతంగా పూర్తి చేయాలని అధికారులకు దిశానిర్దేశం చేశారు.

డిసెంబర్‌ 7, 8, 9 తేదీల్లో తెలంగాణ గ్లోబల్‌ సమ్మిట్‌-2025 నిర్వహించనున్న నేపథ్యంలో ఏర్పాట్లను నిర్ణీత గడువులో పూర్తి చేసేలా చర్యలు చేపట్టాలని సూచించారు.