పేదల ఇళ్లకు పూర్తి హక్కులు కల్పించడమే ప్రభుత్వ లక్ష్యం పులివెందుల టిడిపి ఇన్చార్జ్ బీటెక్ రవి

**పేదల ఇళ్లకు పూర్తి హక్కులు కల్పించడమే లక్ష్యం*

*అధికారులతో సమీక్ష చేసిన బీటెక్ రవి**

పులివెందుల మేజర్ న్యూస్:

* పులివెందుల నియోజకవర్గంలో  ముఖ్యమంత్రి  నారా చంద్రబాబు నాయుడు మరియు ఉప ముఖ్యమంత్రి పవన్ కళ్యాణ్  సెప్టెంబర్ 30వ తేదీన పులివెందులలో పర్యటించనున్న నేపథ్యంలో ఈ ప్రత్యేక సమావేశం నిర్వహించారు.
తెలుగుదేశం పార్టీ పులివెందుల ఇంచార్జ్ బీటెక్ రవి  పులివెందుల ఆర్డీఓ, మున్సిపల్ కమిషనర్ మరియు వేంపల్లె ఎంఆర్ఓ అధికారులతో ప్రత్యేకంగా భేటీ అయ్యారు.
చంద్రబాబు నాయుడు గారు కొత్తగా తీసుకువచ్చిన డికెటి  మరియు ప్రభుత్వ ఇళ్లను పట్టాలుగా మార్చి రిజిస్ట్రేషన్ చేయాలని సంకల్పించారు.
కలెక్టర్  ప్రత్యేక దృష్టితో పులివెందుల మున్సిపాలిటీ లోని సుమారు 4,000 ప్రభుత్వ, డికెటి ఇళ్లను రిజిస్ట్రేషన్ చేసి పట్టాలు అందించాలని లక్ష్యంగా పెట్టుకున్నారు.
 ఈ రిజిస్ట్రేషన్ల ద్వారా లబ్ధిదారులకు వారి సొంత ఇంటి మీద పూర్తి హక్కులు లభించడంతో పాటు, బ్యాంకు లోన్లు మరియు పిల్లల విద్యకు అవసరమైన రుణాలు పొందే అవకాశం కలుగుతుంది.
 రెవెన్యూ మరియు మున్సిపల్ శాఖల నుండి ఎదురయ్యే చిన్నచిన్న సమస్యలను తక్షణమే పరిష్కరించి, లబ్ధిదారులకు కావలసిన పత్రాలు మరియు సర్టిఫికెట్లు ఎక్కడా పెండింగ్ లేకుండా వేగంగా అందించాలని కోరారు.
ముఖ్యమంత్రి మరియు డిప్యూటీ సీఎం పర్యటనలోపు ఈ రిజిస్ట్రేషన్ల ప్రక్రియను పూర్తిగా పూర్తి చేయాలని అధికారులను ఆదేశించారు.