ప్రమాదాలకు పిలుపునిస్తున్న పిచ్చి మొక్కలు..!

ఉద్దెమర్రి–కీసర రహదారిపై మలుపులే మృత్యు ఉచ్చులు.. అధికారుల నిర్లక్ష్యంపై స్థానికుల ఆగ్రహం

శామీర్‌పేట, మేజర్ న్యూస్ (సెప్టెంబర్ 21):

మేడ్చల్ జిల్లా,మూడు చింతలపల్లి మున్సిపాలిటీ పరిధిలోని ఉద్దెమర్రి–కీసర ప్రధాన రహదారిపై పిచ్చి మొక్కలు, పొదలు విచ్చలవిడిగా పెరిగి ప్రమాదాలకు కారణమయ్యే పరిస్థితి నెలకొంది. ముఖ్యంగా మలుపుల వద్ద పొదలు అడ్డుగా పెరగడంతో ఎదురుగా వచ్చే వాహనాలు కనిపించక వాహనదారులు బిక్కుబిక్కుమంటూ ప్రయాణిస్తున్నారు.ప్రమాదాలు జరిగిన తర్వాత మేల్కొనే పరిస్థితి కాకుండా ముందస్తు చర్యలు చేపట్టాలని స్థానికులు అధికారులను డిమాండ్ చేస్తున్నారు. మలుపుల వద్ద పెరిగిన పిచ్చి మొక్కలు, పొదలను వెంటనే తొలగించి రహదారిపై స్పష్టమైన దృశ్యమార్గం కల్పించాలని కోరుతున్నారు. అధికారులు తక్షణమే క్షేత్రస్థాయిలో పరిశీలించి చర్యలు చేపట్టకపోతే మరిన్ని ప్రమాదాలు జరిగే అవకాశం ఉందని వాహనదారులు ఆందోళన వ్యక్తం చేస్తున్నారు.