ప్రజా సమస్యపై స్పందించిన విద్యుత్ అధికారులు – వెలిగిన వీధి దీపాలు

హైదరాబాద్‌ మేజర్ న్యూస్ :: గత కొన్ని రోజులుగా వీధి దీపాలు వెలగక విష్ణు నగర్ కాలనీ ప్రజలు తీవ్ర ఇబ్బందులు ఎదుర్కొంటున్న విషయాన్ని విద్యుత్ అధికారుల దృష్టికి తీసుకెళ్లడంతో అధికారులు సానుకూలంగా స్పందించారు. సమస్యను గుర్తించిన విద్యుత్ సిబ్బంది గురువారం వీధి దీపాలకు మరమ్మతులు చేపట్టి తిరిగి వెలిగేలా చర్యలు తీసుకున్నారు.వీధి దీపాలు వెలగక రాత్రివేళల్లో ప్రజలు ఇబ్బందులు పడటంతో పాటు, చీకటి కారణంగా ప్రమాదాలు జరిగే అవకాశం ఉందని అధికారులకు తెలియజేయగా, వెంటనే స్పందించి సమస్యను పరిష్కరించడం పట్ల స్థానికులు హర్షం వ్యక్తం చేస్తున్నారు.ప్రజా సమస్యలను అధికారుల దృష్టికి తీసుకెళ్తే పరిష్కారం సాధ్యమవుతుందని ఈ ఘటన మరోసారి నిరూపించింది. ఇదే విధంగా ప్రజలకు ఇబ్బందులు కలగకుండా అధికారులు ఎప్పటికప్పుడు స్పందించి సమస్యలను పరిష్కరించాలని స్థానికులు కోరుతున్నారు.సమస్యను పరిష్కరించిన విద్యుత్ అధికారులకు విష్ణు నగర్ ప్రజలు ధన్యవాదాలు తెలిపారు...