పేదలకు కార్పొరేట్ స్థాయి విద్యే మా లక్ష్యం ఎమ్మెల్యే

పేదలకు కార్పొరేట్ స్థాయి విద్యే మా లక్ష్యం 
రూ.74.50 కోట్లతో అర్బన్ రీజియన్ పాఠశాలల నిర్మాణానికి శంకుస్థాపన 
ఎమ్మెల్యే గూడెం మహిపాల్ రెడ్డి

అమీన్ పూర్ : అమీన్ పూర్ డివిజన్ పరిధిలోని గండిగూడెం ప్రభుత్వ పాఠశాల ఆవరణలో రూ.25  కోట్ల అంచనా వ్యాయామంతో అదనపు తరగతి గదుల నిర్మాణం, సుల్తాన్పూర్లో ఒక ఎకరం 10 గుంటల విస్తీర్ణంలో రూ.49.50 కోట్ల అంచనా వ్యయంతో ప్యూర్ అర్బన్ రీజియన్ పాఠశాలల నిర్మాణ పనులకు బుధవారం ఎమ్మెల్యే గూడెం మహిపాల్ రెడ్డి శంకుస్థాపన చేశారు. 
ఈ సందర్భంగా ఆయన మాట్లాడుతూ అమీన్పూర్ జిహెచ్ఎంసి పరిధిలో ప్రభుత్వ విద్యను బలోపేతం చేసేందుకు గాను 74.50 కోట్ల అంచనావయంతో నూతన అర్బన్ రీజియన్ పాఠశాలల నిర్మాణ పనులకు శంకుస్థాపన చేయడం జరిగిందని అన్నారు. 
కార్పొరేట్ స్థాయి విద్య అందించడమే లక్ష్యం పేద దిగువ మధ్యతరగతి కుటుంబాలకు చెందిన విద్యార్థులకు కూడా ప్రైవేట్ పాఠశాలలకు ఏమాత్రం తీసిపోని రీతిలో నాణ్యమైన ఉచిత కార్పొరేట్ విద్యను అందించడమే  ప్రధాన ధ్యేయమని ఆయన స్పష్టం చేశారు.
ఈ కొత్త పాఠశాలల్లో డిజిటల్ తరగతి గదులు ఆధునిక సైన్స్ ల్యాబ్లు లైబ్రరీలు విశాలమైన ఆట మైదానాలతో పాటు మెరుగైన మౌలిక వసతులు కల్పించనున్నామని తెలిపారు. 
ఈ కార్యక్రమంలో దేవానంద్ ముదిరాజ్, సుధాకర్ రెడ్డి నరసింహ గౌడ్ సత్యనారాయణ రాజు భాస్కర్ గౌడ్ డిప్యూటీ కమిషనర్ ప్రదీప్ కుమార్ శ్రీనివాస్ రెడ్డి ఎంఈఓ సుధాకర్ తదితరులు పాల్గొన్నారు.