పశువుల వ్యాధి నివారణకు ఉచిత టీకాల పంపిణీ

సూర్య, చింతలమానేపల్లి;మండలం కర్జెల్లి  గ్రామంలో పశువులకు టీకాలు వేసే కార్యక్రమాన్ని పశుసంవర్ధక శాఖ ఆధ్వర్యంలో నిర్వహించారు. గ్రామంలోని రైతులు, పశుపోషకులు తమ పశువులను తీసుకువచ్చి టీకాలు వేయించారు.పశువులకు సకాలంలో టీకాలు వేయించడం ద్వారా వివిధ రకాల వ్యాధుల నుంచి రక్షణ కల్పించవచ్చని పశువైద్య సిబ్బంది రైతులకు అవగాహన కల్పించారు. పశువుల ఆరోగ్యంపై ప్రత్యేక శ్రద్ధ వహించాలని, వ్యాధి లక్షణాలు కనిపిస్తే వెంటనే సమీప పశువైద్య సిబ్బందిని సంప్రదించాలని సూచించారు.ఈ కార్యక్రమంలో పశుసంవర్ధక శాఖ అధికారి శ్రీకాంత్, సిబ్బంది, గ్రామ సర్పంచ్ చౌదరి నారాయణ, గ్రామ రైతులు, పశుపోషకులు పాల్గొన్నారు.