న్యాయమూర్తిగా ఎంపికైన మల్లారం యువకుడు

భీమదేవరపల్లి, మేజర్ న్యూస్, భీమదేవరపల్లి మండలంలోని మల్లారం గ్రామానికి చెందిన డ్యాగల సాయి పవన్‌ న్యాయమూర్తిగా ఎంపికయ్యాడు. తెలంగాణ హైకోర్టు నిర్వహించిన జూనియర్‌ డివిజన్‌ న్యాయమూర్తుల నియామక పరీక్షలో ఉత్తీర్ణత సాధించాడు. అలాగే తెలంగాణ పోలీసు శాఖ నిర్వహించిన సహాయ ప్రభుత్వ న్యాయవాది నియామక పరీక్షలోనూ విజయం సాధించాడు. ఎల్‌ఎల్‌బీ హానర్స్‌ పూర్తి చేసిన సాయి పవన్‌ ప్రస్తుతం న్యాయవాది ముద్దసాని సహోదర్ రెడ్డి వద్ద జూనియర్‌ న్యాయవాదిగా పనిచేస్తున్నాడు. ఒకేసారి రెండు పరీక్షల్లో విజయం సాధించడంతో తల్లిదండ్రులు సారయ్య, సత్యవతితో పాటు గ్రామస్థులు హర్షం వ్యక్తం చేశారు. పలువురు ఆయనను అభినందించారు.

రిపోర్టర్; రామకృష్ణ, భీమదేవరపల్లి, హనుమకొండ జిల్లా