మున్నూరు కాపు సంఘం రాష్ట్ర యువజన కార్యనిర్వాహణ కార్యదర్శిగా వొంటేల శరత్ కుమార్

సూర్య కరీంనగర్: మున్నూరు కాపు సంఘం తెలంగాణ రాష్ట్ర యువజన కార్యనిర్వాహణ కార్యదర్శిగా కరీంనగర్ కాపువాడకు చెందిన వొంటేల శరత్ కుమార్ నియమితులయ్యారు. రాష్ట్ర అధ్యక్షుడు సర్దార్ పుట్ట పురుషోత్తం పటేల్ ఆదేశాల మేరకు రాష్ట్ర వర్కింగ్ ప్రెసిడెంట్ చల్ల హరిశంకర్ ఆదివారం మంకమ్మతోటలోని మీ సేవ కార్యాలయంలో జరిగిన సమావేశంలో నియామక పత్రాన్ని అందజేశారు. మున్నూరు కాపు యువతను రాజకీయాలకు అతీతంగా ఐక్యం చేసి అన్ని రంగాల్లో అభివృద్ధికి కృషి చేయాలని చల్ల హరిశంకర్ కోరారు. యువతను గ్రామస్థాయి నుంచే చైతన్యపరుస్తానని శరత్ కుమార్ తెలిపారు. కార్యక్రమంలో రాష్ట్ర సంయుక్త కార్యదర్శి వాసాల హరీష్, రాష్ట్ర యువజన ప్రధాన కార్యదర్శి సత్తినేని శ్రీనివాస్, రాష్ట్ర యువజన కార్యదర్శి నేతికుంట అజయ్ కుమార్, నాయకులు కర్ర సూరి తదితరులు పాల్గొన్నారు.