మేడ్చల్లో బీజేపీ కార్యకర్తల నిరసన
సీఎం రేవంత్రెడ్డి వ్యాఖ్యలకు వ్యతిరేకంగా దిష్టిబొమ్మ దహనం
మేడ్చల్, మేజర్ న్యూస్ (సెప్టెంబర్ 29): హిందూ దేవుళ్లైన శ్రీరాముడు, శివుడిపై సీఎం రేవంత్రెడ్డి చేసిన వ్యాఖ్యలను నిరసిస్తూ మేడ్చల్ పట్టణంలో బీజేపీ నాయకులు, కార్యకర్తలు ఆందోళన చేపట్టారు. బీజేపీ మేడ్చల్ అధ్యక్షురాలు జెల్లీ శైలజ హరినాథ్ ఆధ్వర్యంలో మంగళవారం నిరసన ర్యాలీ నిర్వహించి, సీఎం రేవంత్రెడ్డి దిష్టిబొమ్మను దహనం చేశారు.ఈ సందర్భంగా జెల్లీ శైలజ హరినాథ్ మాట్లాడుతూ.. హిందూ దేవుళ్లను రాజకీయ వ్యాఖ్యల్లోకి తీసుకురావడం సరికాదన్నారు. శ్రీరాముడు, శివుడిపై సీఎం చేసిన వ్యాఖ్యలు హిందువుల మనోభావాలను దెబ్బతీసేలా ఉన్నాయని ఆమె పేర్కొన్నారు. గతంలోనూ ఇలాంటి వ్యాఖ్యలు వచ్చినప్పుడు బీజేపీ ఆధ్వర్యంలో నిరసనలు చేపట్టామని, తాజాగా మరోసారి ఇలాంటి వ్యాఖ్యలు చేయడంతో ఆందోళన చేపట్టాల్సి వచ్చిందన్నారు.హిందూ దేవుళ్ల విషయంలో అనుచిత వ్యాఖ్యలు పునరావృతమైతే బీజేపీ ఆధ్వర్యంలో మరింత తీవ్రంగా నిరసనలు చేపడతామని ఆమె హెచ్చరించారు. రాజకీయ విమర్శలకు మతపరమైన అంశాలను ఉపయోగించకుండా బాధ్యతాయుతంగా వ్యవహరించాలని డిమాండ్ చేశారు.ఈ కార్యక్రమంలో జాకెట్ల ప్రేమ్దాస్, శ్రీనివాస్ గౌడ్, రాగం అర్జున్, రామన్నగారి శ్రీనివాస్ గౌడ్, బచ్చు కృష్ణప్రియతో పాటు పలువురు బీజేపీ నాయకులు, కార్యకర్తలు పాల్గొన్నారు.రిపోర్టర్ తలారి శివకుమార్.
