మల్కాజిగిరి కమిషనరేట్‌లో ఇన్‌స్పెక్టర్ల బదిలీలు
మేడ్చల్ జిల్లా ప్రతినిధి, మేజర్ న్యూస్: మల్కాజిగిరి పోలీస్ కమిషనరేట్‌ పరిధిలో పలువురు పోలీస్ ఇన్‌స్పెక్టర్లను బదిలీ చేస్తూ సీపీ కార్యాలయం గురువారం ఉత్తర్వులు జారీ చేసింది.శాంతిభద్రతల పరిరక్షణతో పాటు పరిపాలనా సౌలభ్యం కోసం ఈ మార్పులు చేపట్టినట్లు అధికారులు తెలిపారు.
బదిలీల్లో భాగంగా ఎస్‌ఓటీ కంటోన్మెంట్‌లో పనిచేస్తున్న ఇన్‌స్పెక్టర్‌ ఎన్.ఎలక్షన్ రెడ్డిని కీసర పోలీస్ స్టేషన్ ఎస్‌హెచ్‌ఓగా నియమించగా, పి.కిరణ్‌ను ఘట్‌కేసర్‌ పోలీస్ స్టేషన్ ఎస్‌హెచ్‌ఓగా బదిలీ చేశారు. అలాగే బి.వెంకటేశంను ఎల్‌బీ నగర్‌ పోలీస్ స్టేషన్ ఎస్‌హెచ్‌ఓగా నియమించగా, అక్కడ పనిచేస్తున్న కె.వినోద్‌ కుమార్‌ను గోపాలపురం ట్రాఫిక్‌ విభాగానికి బదిలీ చేశారు.
సి.వెంకటేశ్వర్లును డీడీ విభాగానికి బదిలీ చేస్తూ సీసీఎస్‌ ఉప్పల్‌కు అటాచ్‌ చేశారు. బి.ఆనందరావుకు స్పెషల్‌ బ్రాంచ్‌లో పోస్టింగ్ కల్పించగా, ఎస్‌.శివలింగంను ఎస్‌ఓటీ కంటోన్మెంట్‌కు బదిలీ చేస్తూ ఉత్తర్వుల్లో పేర్కొన్నారు.
రిపోర్టర్:బాల్ రెడ్డి, మేడ్చల్ జిల్లా ప్రతినిధి.
